Яңалыклар (16.03.23)

Иртәнге чыгарылыш.

• Казанда Бөтендөнья татар конгрессы үткәргән XI Бөтенроссия татар авыллары эшмәкәрләре җыены үз эшен тәмамланды.
• Татарстан Республикасы Рәисе «Группа ГМС» акционерлык җәмгыяте президенты Артем Молчанов белән очрашты.
• Рөстәм Миңнеханов Казан һәм Татарстан митрополиты Кириллны архиерей дәрәҗәсе бирелүнең 25 еллыгы белән тәбрик итте.

Көндезге чыгарылыш.

• Татар авыллары эшмәкәрләренең XI Бөтенроссия җыены эшен тәмамлады. Җыенның пленар утырышында Татарстан Рәисе Рөстәм Миңнеханов катнашты. Утырыш алдыннан, ул Россиянең төрле төбәкләрендә җитештерелгән әйберләр күргәзмәсен карады.
• Махсус хәрби операциядә катнашучыларга «Нива» һәм «УАЗ» машиналары тапшырылды. Әлеге автомобильләр Кукмара районының Вахитов исемендәге күмәк хуҗалыгы җитәкчесе Нәфыйк Хөсәинов һәм Вахит авылында туып-үскән, хәзер Чаллыда яшәүче эшмәкәр Рафаэль Гатауллин ярдәме белән сатып алынган.
• Татарстанда быел 22 азык үзәге төзелә, алар 16 районда барлыкка киләчәк.19 районда авыл хуҗалыгы ширкәтләренә, шәхси ярдәмче хуҗалыкларга да хезмәт күрсәтүче 39 объект файдалануга тапшырылган.

Кичке чыгарылышлар.

• Татарстан Рәисе Рөстәм Миңнеханов «Казан Экспо» залында Россия венчур форумын ачуда катнашты, шулай ук төрле инновация компанияләре экспозициясе белән танышты. Быел форум 3 меңнән артык катнашучыны җыйды, күргәзмәдә 51 стартап катнаша.
• Иртәгә, 17 мартта республиканың торак-коммуналь хуҗалык өлкәсендә җәмәгать контроле төбәк үзәгендә Ачык ишекләр көне үткәрелә. Белгечләргә һәркем торак-коммуналь хуҗалык мәсьәләләре буенча киңәш сорап мөрәҗәгать итә ала.
• Иртәгә, 17 мартта Татар китабы йортында балет артисты, татар биючесе, хореограф Рудольф Нуриев туган көндә Рабит Батулла сценарие буенча төшерелгән фильм күрсәтелә. Бөек биючегә 17 мартта 85 яшь тулган булыр иде.

• Татарстан Рәисе Рөстәм Миңнеханов «Казан-Экспо» залында Россия венчур форумының пленар утырышында катнашты. Анда хәзерге катлаулы шартларда илнең венчур базарын үстерүнең актуаль мәсьәләләре турында фикер алыштылар
• Режиссер Сарик Андреасянның «На солнце, вдоль рядов кукурузы» фильмы Россиянең киң прокатына чыкты. 20 мартта «Татаркино» оешмасы кинотасманың массакүләм күрсәтүен оештырып, республикакүләм акция уздырачак.
• Яңа уку елына Россия мәктәпләренең югары сыйныф укучылары өчен тарих дәреслеге бастыруга әзерләнә. Анда Украинадагы махсус хәрби операциягә багышланган аерым бүлек булачак.

Нашли опечатку? Выделите фрагмент и отправьте нажатием Ctrl+Enter