Яңалыклар (15.03.23)

Иртәнге чыгарылыш.

• Татарстан Республикасы Рәисе Казан һәм Татарстан Республикасының баш раввины Ицхак Горелик белән очрашты.
• Рөстәм Миңнеханов Россия очучысы, Россия Федерациясе Герое Дамир Йосыпов белән күреште.
• Бөтендөнья татар конгрессы XI Бөтенроссия татар авыллары эшмәкәрләре җыены дәвам итә.

Көндезге чыгарылыш.

• Татарстанда табигый газ белән эшләүче автомобильләр паркы 13 мең машинадан артып киткән. Быел тагын 2 меңгә якын транспорт чарасын газга күчерү мөмкинлеге бар. Бу хакта Татарстан Премьер-министры урынбасары – сәнәгать һәм сәүдә министры Олег Коробченко «2022 елда газ-мотор ягулыгы базарын үстерү нәтиҗәләре һәм 2023 елга перспективаларга багышанган брифингта хәбәр итте.
• Бүген Татарстан Дәүләт Советының Торак сәясәте һәм инфраструктура үсеше комитетының күчмә утырышында су белән тәэмин итү һәм ташландык суларны агызу өлкәсендә коммуналь инфраструктураны заманчалаштыру программасын гамәлгә ашыру турында фикер алышалар
• Яшел Үзәндәге ПОЗИС предприятиесе «Татарстан Респуб¬ликасы Студентлар отрядлары өчен иң яхшы эш бирүче» конкурсында җиңүче дип табылды. Россия Студентлар отрядлары көненә багышланган тантаналы чарада компания вәкиленә бүләк тапшырылды.

Кичке чыгарылышлар.

• Бүген Татарстан Рәисе Рөстәм Миңнеханов хөкүмәт йортында «Группа ГМС» Акционерлар җәмгыяте президенты Артем Молчанов белән очрашты. 2022 елда «Казанькомпрессормаш» Акционералар җәмгыяте эшчәнлеге нәтиҗәләре, шулай ук предприятиедә төп проектларны гамәлгә ашыру барышы турында фикер алыштылар.
• «Игелекле Казан» фонды мохтаҗларга Сеченов урамында кайнар төшке аш өләшә башлады. Волонтерлар фондата исәптә торган, шулай ук әтисе яки әнисе булмаган күп балалы гаиләләрне, инвалид балаларны тәрбияләүче гаиләләрне тукландыруны оештырды.
• 2023 елгы Тукай премиясенә кандидатлар исемлеге билгеләнде. Татарстан Мәдәният министрлыгында узган республика Рәисе каршындагы комиссия утырышында 13 кандидат тәкъдим ителгән.

• Казанда Бөтендөнья татар конгрессы үткәргән XI Бөтенроссия татар авыллары эшмәкәрләре җыены үз эшен тәмамланды.
• Татарстан Республикасы Рәисе «Группа ГМС» акционерлык җәмгыяте президенты Артем Молчанов белән очрашты.
• Рөстәм Миңнеханов Казан һәм Татарстан митрополиты Кириллны архиерей дәрәҗәсе бирелүнең 25 еллыгы белән тәбрик итте.

Нашли опечатку? Выделите фрагмент и отправьте нажатием Ctrl+Enter