Яңалыклар (14.03.23)

Иртәнге чыгарылыш.

• Бүген XI Бөтенроссия татар авыллары эшмәкәрләре җыены эшен дәвам итә. Быел аңа Россия Федерациясенең 40 төбәгеннән, шулай ук Татарстаннан 500дән артык кече бизнес вәкиле һәм фермер хуҗалыклары җитәкчеләре җыелды. Җыен кунаклары бүген Чувашиянең Батыр районы Шыгырдан авылында, Комсомол районының Урмай һәм Тукай авылларына баралар.
• Түбән Камадагы 36нчы мәктәптә Фикрәт Табиев исемендәге музей ачылды. 4 мартта танылган җитәкченең тууына 95 ел тулды. Фикрәт Табеев Түбән Кама шәһәре һәм химия комбинаты барлыкка килүдә зур роль уйнады. Камадагы автогигант завод та аның тәкъдиме белән барлыкка килде.
• Казанда Максим Горький һәм Федор Шаляпин музейлары мәйданчыгында әлеге иҗат эшлеклеләренең юбилейларына багышланган Бөтенроссия фәнни җыены башланды. Анда Мәскәү, Казан, Түбән Новгород, Курск, Ижевск һәм Россиянең башка шәһәрләреннән 50дән артык галим катнаша.

Көндезге чыгарылыш.

• Быелның гыйнвар ае йомгаклары буенча Татарстанда сәнәгать җитештерүе индексы 2022 елның шул ук ае белән чагыштырганда 100% тәшкил иткән. Мондый мәгълүмат елның беренче аенда республиканың социаль-икътисади хәле турында комплекслы мәгълүмати-аналитик докладта теркәлгән.
• Бүген XI Бөтенроссия татар авыллары эшмәкәрләре җыены дәвам итә. Бүген җыенда катнашучылар Чувашиянең Батыр районы Шыгырдан, Комсомол районының Урмай һәм Тукай авылларына килде. Бу сәфәр эшмәкәрләргә тәҗрибә уртаклашырга, эшлекле элемтәләр урнаштырырга ярдәм итәчәк.
• “Идел” журналында «Яңа исем» дип аталган иҗат лабораториясе эшли башлады. Ул татар әдәбиятында яңа исемнәрне барлау, яшь шагыйрьләргә иҗади мәйдан бирүне күздә тота.

Кичке чыгарылышлар.

• Бүген Татарстан Рәисе Рөстәм Миңнеханов Казан һәм Татарстан Республикасының баш раввины Ицхак Горелик белән очрашты. Республика Рәисе Ицхак Гореликны туган көне белән котлады, рухи-әхлакый кыйммәтләрне үстерүгә һәм динара тынычлыкны һәм татулыкны ныгытуга керткән өлеше өчен Татарстан Республикасының «Фидакарь хезмәт өчен» медален тапшырды.
• Быел «Безнең ишегалды» республика программасы буенча 960 ишегалды территориясе төзекләндереләчәк, элекке финанслау дәрәҗәсе 9 млрд сум дәрдәҗәсендә саклана. Барлыгы 7 меңгә якын йорт территориясен төзекләндерү каралган.
• Татарстан грантлар күләме буенча Мәдәни инициативалар Президент фондының 2023 елгы беренче конкурсы нәтиҗәләре буенча лидерлар унлыгына керде. Барлыгы 3,6 млрд сумлык 881 иҗади проект ярдәм алачак.

• Татарстан Республикасы Рәисе Казан һәм Татарстан Республикасының баш раввины Ицхак Горелик белән очрашты.
• Рөстәм Миңнеханов Россия очучысы, Россия Федерациясе Герое Дамир Йосыпов белән күреште.
• Бөтендөнья татар конгрессы XI Бөтенроссия татар авыллары эшмәкәрләре җыены дәвам итә.

Нашли опечатку? Выделите фрагмент и отправьте нажатием Ctrl+Enter