Фидакарьләр (07.03.23)

“Фидакарьләр” проекты. 3 нче чыгарылыш.

Гомерләрен татар теле һәм әдәбиятын, башка фәннәрне татар телендә укытуга багышлаган, укучылары күңелендә туган телгә мәхәббәт тәрбияләүче мөхтәрәм укытучылар һәм бакча тәрбиячеләре турында сөйләвебезне дәвам иттерәбез. Студиябезнең чираттагы кунагы — Хафизова Зөләйха Муса кызы. 1965 елның 15 сентябрендә Теләче районы Максабаш авылында туа. 1973 елда Максабаш башлангыч мәктәбенә укырга керә. 1976 елдан 1983 елга кадәр Югары Кибәхуҗа урта мәктәбендә белем ала. Аны уңышлы тәмамлап, 1983 елда Казан Дәүләт университетының журналистика факультетына укырга керә. Аны тәмамлагач, Дәрвишләр бистәсендәге оптика-механика заводы радиостудиясендә татар телендә тапшырулар редакторы булып эшли.

Татар теле һәм әдәбияты укытучысы белгечлеге буенча икенче югары белем ала. 1994 елдан бүгенгә кадәр 11 нче татар гимназиясендә татар теле һәм әдәбияты дәресләрен укыта. Дәрвишләр бистәсе балалар иҗаты үзәгендә хыял әдәби-иҗат берләшмәсен җитәкли.

Югары квалификацион категорияле татар теле һәм әдәбияты укытучысы. 2008 нче һәм 2013 елда “Иң яхшы укытучы” гранты җиңүчесе. 2009 елда “Мәгарифтәге казанышлары өчен” күкрәк билгесе, 2014 елда “РФ Фән һәм мәгариф министрлыгының мактау грамотасы” белән бүләкләнә. 2017 елда “ТРның атказанган укытучысы” исеменә лаек була. Иҗат үрнәкләре республика матбугатында, күмәк җыентыкларда басыла.

Нашли опечатку? Выделите фрагмент и отправьте нажатием Ctrl+Enter