Яңалыклар (3.03.23)

Иртәнге чыгарылыш.

• Татарстан Рәисе Рөстәм Миңнеханов Дүшәнбегә эш визиты кысаларында «Россия һәм Таҗикстанның эшлекле һәм инвестицион партнерлыгы» төбәкара хезмәттәшлек буенча 9 нчы конференциянең пленар утырышында чыгыш ясады.
• Республика Дәүләт Советы Рәисе Фәрит Мөхәммәтшин ТР Волейбол федерациясенең хисап конференциясендә катнашты.
• Укытучылар һәм остазлар елында уку елы ахырына кадәр мөгаллимнәргә 12 мең ноутбук биреләчәк.

Көндезге чыгарылыш.

• Татарстан Рәисе Рөстәм Миңнеханов Таҗикстанга эш сәфәре вакытында ил Президенты Эмомали Рахмон белән очрашты. Cәүдә-икьтисадый һәм гуманитар хезмәттәшлекне үстерү буенча фикер алышынды.
• Әлмәт районы башлыгы Тимур Нагуманов мобилизацияләнгән ир-атларның туганнары белән очрашты. Ул хәрбиләргә чираттагы гуманитар ярдәмнең илтеп җиткерелүен, егетләр белән аралашуларын, аларның өйдән килгән хәбәрләргә, балалар хатларына, посылкаларга, әйберләргә бик шатлануларын белдерде.
• Мәскәүдәге Муса Җәлил исемендәге 1186 нче мәктәптә «Батырлык гасырларга кала» дигән төбәкара конкурсы җиңүчеләрен бүләкләделәр. Россия кооперация университеты ректоры, Татарстан Дәүләт Советы депутаты Алсу Нәбиева җиңүчеләргә Муса Җәлил шигырьләреннән иҗат ителгән «Шагыйрь» портретын бүләк итте.

Кичке чыгарылышлар.

•     Татарстан Рәисе Рөстәм Миңнеханов Телеграм-каналында Россия Федерациясе Премьер-министры Михаил Мишустинны 57 яшьлеге белән котлады.
•   Алабугада Сабан туена ипподром яңартыла. Анда тротуарларны ремонтларга, конкур ярышы мәйданчыгын һәм картинг трассасын тезекләндерергә җыеналар. Муниципаль бюджеттан ремонт өчен 20 миллион сум акча бирелә.
• Яшел Үзән районы Осиново бистәсендә социаль инфраструктура объектлары — балалар сәнгать мәктәбе һәм бассейн төзү күздә тотыла. Шулай ук «Сәламәтлек саклау» илкүләм проекты буенча яңа күп профильле поликлиника төзелә.

• Бүген Рөстәм Миңнеханов Таҗикстан Премьер-министры Кохир Расүлзадә белән очрашты.
  Республика Рәисе татарстанлыларга дәүләт бүләкләре бирү турында документларны имзалады.
• Дәүләт Советы рәисе Фәрит Мөхәммәтшин Татарстан Республикасы Үзәк сайлау комиссиясенең гражданнар активы белән очрашты.
• 2022 ел нәтиҗәләре буенча крестьян-фермер хуҗалыкларында терлек башы кимегән.

Нашли опечатку? Выделите фрагмент и отправьте нажатием Ctrl+Enter