Яңалыклар (2.03.23)

Иртәнге чыгарылыш.

• Казанда хәрбиләрнең гаиләләренә ярдәм күрсәтү буенча яңа чара гамәлгә ашырыла башлады. Волонтерлардан ярдәм сорау өчен, +8(843)558-74-18 кайнар элемтә телефоны буенча «Игелекле Казан» коммерцияле булмаган автоном оешмасына шалтыратырга кирәк.
• Башкалабыздагы Мәрҗәни мәчете базасында узган елның сентябреннән бирле махсус хәрби операциядә катнашучыларга ярдәм итү пункты эшли. Бүген биредә хәрби комиссариатлар, гуманитар йөк ташуны тәэмин итүче оешмалар вәкилләре катнашында чара үткәрелә.
• «Идел-йорт» театр коллективлары төбәкара фестиваль-конкурсының быелгы иҗади лабораторияләре 16 мартта Аяз Гыйләҗев исемендәге Чаллы татар дәүләт драма театрында башлана.

Көндезге чыгарылыш.

• Гыйнвар, февраль айларында Казан метросында 4 млн 609 меңнән артык пассажир йөргән – бу 2022 елгы күрсәткечләрдән 21% ка күбрәк.
• Түбән Камадан Лисичанскийга чираттагы гуманитар ярдәм җибәрделәр. Төзелеш материаллары, җылыткычлар шәһәрнең торак фондын капиталь ремонтлау өчен кирәк. Машинадагы йөкнең гомуми авырлыгы 5 тоннадан артык.
• IX Ваһапов исемендәге Халыкара җыр фестиваль конкурсына гаризалар кабул ителә башлады. Конкурска гаризалар 15 мартка кадәр кабул ителә.

Кичке чыгарылышлар.

• Татарстан Рәисе Рөстәм Миңнеханов эш сәфәре белән Таҗикстан Республикасына килде. Делегацияне Россия хөкүмәте рәисе Михаил Мишустин җитәкли. Рөстәм Миңнеханов “Россия һәм Таҗикстан: эшлекле һәм инвестиция хезмәттәшлеге” дигән 9 нчы төбәкара конференция эшендә катнаша.
• Татарстан мөселманнары исеменнән ике машинага төялгән гуманитар йөкне махсус хәрби операция зонасына илтеп кайтканнан соң, нәзарәт кабат ярдәм җыя башлады. Ярдәм туплангач, аны якын арада мобилизацияләнгән солдатларга тапшыру ниятләнә.
• 7 мартта казанлылар һәм башкалабыз кунаклары Татарстан Милли музеена һәм аның барлык филиалларына бушлай керә ала. Музейларга килүчеләргә эчтәлекле программалар, экскурсияләр тәкъдим ителәчәк.

• Татарстан Рәисе Рөстәм Миңнеханов Дүшәнбегә эш визиты кысаларында «Россия һәм Таҗикстанның эшлекле һәм инвестицион партнерлыгы» төбәкара хезмәттәшлек буенча 9 нчы конференциянең пленар утырышында чыгыш ясады.
• Республика Дәүләт Советы Рәисе Фәрит Мөхәммәтшин ТР Волейбол федерациясенең хисап конференциясендә катнашты.
• Татарстанда 1300 гаилә ана капиталыннан ай саен түләүләр ала башлаган.

Нашли опечатку? Выделите фрагмент и отправьте нажатием Ctrl+Enter