Яңалыклар (1.03.23)

Иртәнге чыгарылыш.

• Татарстан Республикасы Рәисе Горький исемендәге Яшел Үзән  заводында булды.
• Рөстәм Миңнеханов «Беренчеләр хәрәкәте» балалар һәм яшьләрнең гомумроссия иҗтимагый-дәүләт хәрәкәте идарәсе рәисе Григорий Гуров белән очрашты.
• Татарстан Республикасы Дәүләт Советы Рәисе Фәрит Мөхәммәтшин танылган казах драматургы Мөхтәр Ауэзовның улы дипломат, сәясәт һәм җәмәгать эшлеклесе Мурат Ауэзов белән очрашты.

Көндезге чыгарылыш.

• Россия Президенты Владимир Путин  Указы белән Татарстанның  җиде хезмәт алдынгысына дәүләт бүләкләре бирелде. Бүләкләү турындагы карар хокукый мәгълүматның рәсми порталында урнаштырылган.
• Моңарчы күрелмәгән санкцияләр басымына карамастан, Татарстан сәнәгать җитештерүе үсеше темпларын 106,6 процентка саклап калды. Бу хакта Татарстан Рәисе Рөстәм Миңнеханов Сәнәгать һәм сәүдә министрлыгының йомгаклау коллегиясендә белдерде.
• Бүген Татарстан Яшьләр эшләре министрлыгы коллегиясенең йомгаклау утырышы була. Утырыш республика  Хөкүмәте сайтында онлайн-трансляцияләнә, ул 14 сәгать 30 минутта  башлана.

Кичке чыгарылышлар.

• Бүген Татарстан Рәисе Рөстәм Миңнеханов республиканың төп дини конфессияләре вәкилләре белән очрашты. Татарстан мөфтие, Диния нәзарәте рәисе Камил хәзрәт Сәмигуллин белән Татарстан һәм Казан митрополиты Кирилл Рөстәм Миңнехановны туган көне белән котладылар.
• Бүген Бөтендөнья Гражданнар оборонасы көне билгеләп үтелә. Ул гражданнар оборонасы Халыкара оешмасының Генераль Ассамблеясе карары белән, киң җәмәгатьчелек игътибарын гражданнар оборонасының мөһим мәсьәләләренә җәлеп итүне, гражданнарның иминлеген тәэмин итүне, Гадәттән тыш хәлләрдән саклану һәм аларны булдырмый калуны күздә тотып, 1990 елдан башлап уздырыла
• 2023 елда аз керемле гаиләләр өчен ана капиталы акчаларыннан айлык түләү 12 мең 200 сумга җиткән. Татарстанда гариза биргән 14 мең кеше ана капиталы акчаларыннан айлык түләүне рәсмиләштергән.

• Бүген Татарстан Рәисе Рөстәм Миңнеханов республиканың төп дини конфессияләре вәкилләре белән очрашты. Татарстан мөфтие, Диния нәзарәте рәисе Камил хәзрәт Сәмигуллин белән Татарстан һәм Казан митрополиты Кирилл Рөстәм Миңнехановны туган көне белән котладылар.
• Бүген Казанда социаль ипотека программасы буенча Дәүләт торак фонды инвестицияләре хисабына төзелгән күп фатирлы торак йортка күченү тантанасы булды. 255 фатирлы йорттан 70 фатир укытучылар гаиләләренә бүлеп бирелгән. Тантанада Татарстан Рәисе катнашты.
• Бүген Татарстан Яшьләр эшләре министрлыгы коллегиясенең йомгаклау утырышы булды. Утырышта ведомствоның 2022 елгы эш нәтиҗәләре, быелгы бурычлар тикшерелде.

Нашли опечатку? Выделите фрагмент и отправьте нажатием Ctrl+Enter