Яңалыклар (28.02.23)

Иртәнге чыгарылыш.

• Татарстан Рәисе Казанның Совет районы хакимияте урнашкан бинада булды.
• Рөстәм Миңнеханов Казан шәһәр Думасының хисап сессиясендә катнашты.
• «Ак Барс» хоккей клубы вәкилләре белән очрашу.
• Дәүләт Советы Рәисе Фәрит Мөхәммәтшин Россия Закон чыгаручылар Советы Президиумы утырышында катнашты.

Көндезге чыгарылыш.

• Хөкүмәт Йортында узган киңәшмәдә Татарстандагы кече нефть компанияләренең 2022 елгы эшчәнлегенә йомгак ясалды. Киңәшмәне Татарстан  Рәисе Рөстәм Миңнеханов үткәрде.
•  «Татнефтехиминвест-холдинг» акционерлык җәмгыятенең Директорлар советы утырышында берничә инновацион проект каралды. Утырышны  Республика Рәисе Рөстәм Миңнеханов алып барды.
• Россиянең атказанган сәүдә хезмәткәре, татар милли аш-суларын дөнья күләмендә таныткан Юныс Әхмәтҗанов истәлегенә багышлап, туган ягы Теләчедә беренче фестиваль-конкурс үткәрелә. Әлеге чара бүген сәгать икедә Теләче районының Олы Кибәхуҗа авылы мәдәният йортында башлана.

Кичке чыгарылышлар.

• Бүген республика эшмәкәрләре өчен «Экспорт: беренче адымнар. Яңа экспортер нәрсә белергә тиеш?» дигән бушлай онлайн-вебинар үткәрелә. Вебинарда катнашучыларга продукцияне тышкы базарларга чыгару, чыгымнарны киметү өчен дәүләт ярдәменнән файдалану мөмкинлекләре, башка илләр икьтисадындагы хәзерге вәзгыять белән таныштыралар.
• Бүген Казан Ратушасында «Шаляпин: иҗади мирас һәм хәзерге заман» дигән күргәзмә ачыла. Күргәзмәгә килүчеләр опера җырчының шәхси хатларын, сәхнә портретларын, шулай ук Шаляпин чорындагы әйберләрнең төп нөсхәләрен күрә алачак.
• Республика территориясендә һава шартларының начараюы көтелә. Шул сәбәпле, Татарстан дәүләт авто инспекциясе машина йөртүчеләрне юлларда сак булырга өнди.

Татарстан Республикасы Рәисе Горький исемендәге Яшел Үзән  заводында булды.

Рөстәм Миңнеханов «Беренчеләр хәрәкәте» балалар һәм яшьләрнең гомумроссия иҗтимагый-дәүләт хәрәкәте идарәсе рәисе Григорий Гуров белән очрашты.

Татарстан Республикасы Дәүләт Советы Рәисе Фәрит Мөхәммәтшин танылган казах драматургы Мөхтәр Ауэзовның улы дипломат, сәясәт һәм җәмәгать эшлеклесе Мурат Ауэзов белән очрашты.

Нашли опечатку? Выделите фрагмент и отправьте нажатием Ctrl+Enter