Яңалыклар(17.02.23)

Иртәнге чыгарылыш.

• Казанның Идел буе районындагы «Урман аланы» торак массивындагы дүрт урамга танылган шәхесләр исемнәре бирелде. Яңа урамнар филология фәннәре докторы Диләрә Тумашева,  халык шагыйре Лена Шакирҗан, язучы, публицист Тәүфикъ Әйди исемнәрен йөртәчәк.
• Санкт-Петербург шәһәрендәге Татар милли-мәдәни автономиясенең Татар мәдәни үзәгендә «Мәңгелек рыцарьлары. Каюм Насыйри» дигән чара узды. Ул мәгърифәтче, галим Каюм Насыйриның 198 еллыгына багышланды.
• Бүген Казанда Муса Җәлил призына татарча көрәш ярышлары ачыла. Призерлар Россия җыелма командасы составына кертеләчәк.

Көндезге чыгарылыш.

• Бу минутларда Татарстан Икътисад министрлыгы коллегиясе утырышы дәвам итә. Әлеге чара республикада социаль-икътисадый тотрыклылыкны тәэмин итү буенча оператив штаб утырышы белән бергә уза. Утырышта Республика Рәисе Рөстәм Миңнеханов катнаша.
• Татарстан Рәисе Рөстәм Миңнеханов республика куркынычсызлык Советы утырышын үткәрде. Сәнәгать предприятиеләрен кадрлар белән тәэмин итү мәсьәләләре каралды.
• Апастан махсус хәрби операциядә катнашучы егетләргә гуманитар ярдәм төягән машиналар юлга кузгалды. Ярдәмне хәрбиләргә район башлыгы Айрат Җиһаншин җитәкчелегендәге делегация илтеп тапшырачак.

Кичке чыгарылышлар.

• Бүген Татарстан Рәисе Рөстәм Миңнеханов Әзәрбәйҗан Республикасы Икътисад министрының беренче урынбасары Эльнур Айдын оглы Алиев белән очрашты. Киләчәктә кайбер юнәлешләр буенча эшлекле элемтәләрне ныгыту мәсьәләләре буенча фикер алыштылар.
• Түбән Камадандагы 25 нче гимназиядә укучылар белән парламент дәресе үткәрелде. Укучыларга парламент, Конституция, Россия Федерациясе хакимият органнары структурасы, гражданның хокуклары һәм ирекләре турында сөйләделәр.
• Бүген башкалабызның Сәйдәш мәдәният үзәгендә 5 Халыкара “Җәлил укулары” әдәби конкурсының гала-концерты була. Конкурска Россиянең 38 төбәгеннән һәм чит илләрдән 40 меңнән артык гариза кабул ителде. Беренче тапкыр чечен, серб, япон телләрендә шигырләр яңгырады.

• Бүген Татарстан Икътисад министрлыгы коллегиясе утырышы узды. Ул республикада социаль-икътисадый тотрыклылыкны тәэмин итү буенча оператив штаб утырышы белән бергә үткәрелде. Утырышта Республика Рәисе Рөстәм Миңнеханов, Россия Федерациясе Дәүләт думасының икътисадый сәясәт комитеты рәисе Максим Топилин. Татарстан Дәүләт Советы Рәисе Фәрит Мөхәммәтшин, Премьер-министрның беренче урынбасары Рөстәм Нигъмәтуллин, министрлыклар, ведомстволар җитәкчеләре катнашты.
• Бүген башкалабызның Сәйдәш мәдәният үзәгендә 5 Халыкара “Җәлил укулары” әдәби конкурсының гала-концерты уза. Конкурска Россиянең 38 төбәгеннән һәм чит илләрдән 40 меңнән артык гариза кабул итеелде. Быел шигырьләр 23 телдә яңгырады.
• Бүген Казанда каһарман-шагыйрь Муса Җәлил истәлегенә «Ватаным Татарстан» газетасы гамәлгә куйган көрәш бәйгесен ачу тантанасы булды. Анда 2022 елның иң яхшы көрәшчеләрен, тренерларын, хөкемдарларын һәм журналистларын бүләкләделәр.

Нашли опечатку? Выделите фрагмент и отправьте нажатием Ctrl+Enter