Яңалыклар (16.02.23)

Иртәнге чыгарылыш.

• Татарстан Рәисе Рөстәм Миңнеханов Чирмешән районында рядовой Евгений Зорин гаиләсе белән очрашты. Евгений Зорин контакт буенча сугышчан бурычны үтәгәндә батырларча һәлак булган.Россия Федерациясе Президенты Указы белән, ул Батырлык ордены белән бүләкләнгән. Рөстәм Миңнеханов Евгений Зоринның тол калган хатыны — Людмила Зоринага орденны тапшырды.
• Казанның «Игелекле эшләр көне» хәйрия фонды Кытай телен һәм мәдәниятен өйрәнү буенча бушлай дәресләр оештыра. Катнашучылар атнага бер тапкыр 10 кешелек төркемнәрдә шөгыльләнәчәк.
• 16 нчы, 17нче февральдә Казанда яшәүчеләр үзләрен ВИЧ авыруына бушлай, аноним тикшертә ала. Шунда ук ук социаль хезмәткәр, психолог консультацияләре оештырыла.

Көндезге чыгарылыш.

• Татарстан Рәисе Рөстәм Миңнеханов «Россия – Ислам дөньясы:» халыкара икътисадый форумын әзерләү һәм уздыру буенча республика оештыру комитеты утырышын уздырды. Форумны үткәрү буенча төбәк оператив штабын Премьер-министр урынбасары — Министрлар Кабинеты Аппараты җитәкчесе Шамил Гаффаров җитәкли. Штаб киңәшмәсе атна саен үткәреләчәк.
• Татарстан Рәисе республикада милли мәдәниятләр һәм традицияләр елына старт бирде. Бүген Татарстан Милли музеенда май чабу йоласына багышланган тамашалар башланып китә.
• Татарстан Премьер-министры урынбасары Роман Шәйхетдинов «КамАЗ» акционерлар җәмгыяте генераль директоры Сергей Когогин белән очрашты. Алар уртак белем бирү проектларын, шулай ук робот техникасы өлкәсендәге проектларны гамәлгә ашыру буенча автомобиль корпорациясе һәм Иннополис университеты хезмәттәшлеге тикшерделәр.

Кичке чыгарылышлар.

• Бүген Федераль суд приставлары хезмәтенең Татарстандагы Баш идарәсе коллегиясе утырышы булды. Анда Татарстан Премьер-министрының беренче урынбасары Рөстәм Нигъмәтуллин катнашты.
• 18 февраль көнне Мәскәүдә, Татар мәдәни үзәгендә, күренекле татар җырчысы Илһам Шакировны искә алу кичәсе була. Легендар артистны искә алу кичәсендә тамашачылар Илһам Шакировның тормыш һәм иҗат юлы белән танышачак. Кичәдә шулай ук аның җырлары башкарыла, артист турында хатирәләр яңартыла.
• Бүген Татарстан Милли музеенда май чабу йоласына багышланган тамашалар башланып китте. Программада – милли уеннар, шаяртулар, дәртле җырлар.

• Федераль суд приставлары хезмәтенең Татарстандагы Баш идарәсе коллегиясе узды. Анда Татарстан Премьер-министрының беренче урынбасары Рөстәм Нигъмәтуллин катнашты. Ведомствоның 2022 елдагы эшчәнлегенә йомгак ясалды,
• Февраль бәйрәмнәрендә Казан-Мәскәү арасындагы сәфәрләр өчен өстәмә поездлар билгеләнгән. Алар 22 һәм 25 февральдә йөриячәк.
• Татарстанның быелгы Муса Җәлил исемендәге премиясенең быелгы лауреатлары ачыкланды.

Нашли опечатку? Выделите фрагмент и отправьте нажатием Ctrl+Enter