Яңалыклар(15.02.23)

Иртәнге чыгарылыш.

• Бүген Казан дәүләт энергетика университетында Цифрлы үсешкә ярдәм итү ассоциациясенең чираттагы утырышы узды. Татарстанда Университет технологик эшмәкәрлеген үстерүгә багышланган утырышта республика Рәисе Рөстәм Миңнеханов катнашты.
• Бүген Буа районында «2022 елда муниципаль районның социаль-икътисадый үсеше йомгаклары һәм 2023 елга бурычлары турында» сессия утырышы узды. Район Советы утырышында вице-премьер, Татарстан авыл хуҗалыгы һәм азык-төлек министры Марат Җаббаров катнашты.
• 25 февральдә Габдулла Кариев исемендәге Казан татар дәүләт яшь тамашачы театрының 35 еллык юбилеена багышланган чаралар циклы «Артист» комедиясе белән башлана. Аны Габдулла Кариев үзе язган, язучы Ркаил Зәйдулла, пьесаны тулыландырып, яңасын әзерләгән.

Көндезге чыгарылыш.

• Татарстан Рәисе Рөстәм Миңнеханов республикада Педагог һәм остаз елына старт бирде. Тантаналы чара Казан федераль университетының Филология һәм мәдәниятара багланышлар институтында узды.
• Татарстан Премьер-министры вазыйфаларын башкаручы Рөстәм Нигъмәтуллин Чистай районында булды. Ул «Бетар» җәмгыятендә пластмассадан эшләнмәләр җитештерү цехы, үлчәү приборларын җыю, инструментлар җитештерү үзәге белән танышты, район Советының 2022 елдагы эш йомгакларына һәм 2023 елга бурычларга багышланган утырышында катнашты.
• Бүген каһарман шагыйрь Муса Җәлилне искә алу чаралары уздырыла. Татарстан Милли музеенда фашистлар әсирлегендә язылган шигырләр җыентыгы – “Моабит дәфтәрләре”нең ның төп нөсхәсе тәкъдим ителә.

Кичке чыгарылышлар.

• Бүген Татарстан Рәисе Рөстәм Миңнеханов белән «Россети» акционерлар җәмгыяте генераль директоры Андрей Рюмин электр энергетикасы өлкәсендә норматив-хокукый актларны камилләштерү буенча уртак тәкъдимнәрне тикшерделәр.
• Татарстан Рәисе Рөстәм Миңнеханов Чирмешән районына килде. Ул «Хан Су» минераль су җитештерү цехында булды. Татарстан Рәисе Чирмешән район Советының 2022 елгы социаль-икътисадый үсеше йомгаклары һәм 2023 елга бурычларына багышланган утырышта катнашты.
• Татар әдәбияты классигы Галимҗан Ибраһимовның «Алмачуар» әсәре буенча иҗат ителгән «Тарлан» фильмы V Әл-Айн халыкара кинофестивалендә бүләкләнгән.

• Татарстан Рәисе Рөстәм Миңнеханов бүген Чирмешән районында булды. Советлар Союзы Герое Иван Конев исемендәге Кадетлар интернат – мәктәбендә укучылар белән очрашты. Чирмешән район Советының 2022 елгы социаль-икътисадый үсеше йомгаклары һәм 2023 елга бурычларына багышланган утырышта катнашты.
• Май аенда Казанда узачак «Россия – Ислам дөньясы» халыкара икътисади форумында 900 волонтер эшләячәк. Форум быел федераль статусны алды. Республика Инвестиция үсеш агентлыгы белән берлектә, хәзер волонтерларны сайлап алу һәм укыту алып барыла.
• Башкалабызның Галиәсгар Камал исемендәге театрында Чаллы татар дәүләт драма театрының гастрольләре башланды. Бүген тамашачыларга Айгөл Әхмәтгалиеваның «Капка» дигән әсәре буенча сәхнәләштерелгән спектакль тәкъдим ителә.

Нашли опечатку? Выделите фрагмент и отправьте нажатием Ctrl+Enter