Яңалыклар (14.02.23)

Иртәнге чыгарылыш.

• 13 февральдә күренекле опера башкаручысы, дөньякүләм танылган артист, Казан шәһәрендә туып-үскән Федор Иванович Шаляпинның тууына 150 ел тулды. Казанда юбилей чаралары узды.
• Татарстан Рәисе Рөстәм Миңнеханов эш сәфәре белән Балык Бистәсе муниципаль районында булды.
• Татарстан Дәүләт Советы Рәисе Фәрит Мөхәммәтшин Обыденнов исемендәге Казан автотранспорт техникумында булды.

Көндезге чыгарылыш.

• Россия Президенты Владимир Путин  Указы беләнГалиәсгар Камал исемендәге театр актеры  Рамил Төхвәтуллинга Россиянең атказанган артисты дигән мактаулы исем бирелде.
• Адыгей Республикасы Башлыгы җитәкчелегендәге делегация Татарстанга эш сәфәре белән килде. Татарстан рәисе Рөстәм Миңнеханов Казан Кремлендә Морат Кумпилов белән хезмәттәшлекне ныгыту мәсьәләләре буенча фикер алышты.
• Төркиядә эзләү-коткару төркемнәре җир тетрәү булган урыннарда үз эшләрен туктата башлаган. Сишәмбе иртәсенә Төркиядә һәм Сүриядә җир тетрәү сәбәпле, һәлак булучылар саны 37 меңнән артып киткән.

Кичке чыгарылышлар.

• Бүген Татарстан Рәисе Рөстәм Миңнеханов «Бердәм энергетика системасы операторы» акционерлар җәигыяте идарәсе рәисе Федор Опадчий белән очрашты. Республиканың энергетика системасын үстерү мәсьәләләре буенча фикер алыштылар.
• Татарстан Рәисе Рөстәм Миңнеханов Казан Дәүләт энергетика университетының бер корпусында урнаштырылган Энергетиклар мемориалына чәчәкләр салды. Бу хакта ул үзенең telegram-каналында язды.
• Казанда Украинадагы махсус хәрби операциядә катнашкан “Росгвардия” хезмәткәрләрен бүләкләделәр. Росгвардиянең Идел буе округы командующие урынбасары, генерал-майор Алияр Абдуллаев махсус хәрби операциядә батырлык күрсәткән хәрби частьлар хезмәткәрләренә дәүләт бүләкләрен тапшырды.

• Бүген Казан дәүләт энергетика университетында Цифрлы үсешкә ярдәм итү ассоциациясенең чираттагы утырышы узды. Татарстанда Университет технологик эшмәкәрлеген үстерүгә багышланган утырышта республика Рәисе Рөстәм Миңнеханов катнашты.
• Бүген Буа районында «2022 елда муниципаль районның социаль-икътисадый үсеше йомгаклары һәм 2023 елга бурычлары турында» сессия утырышы узды. Район Советы утырышында вице-премьер, Татарстан авыл хуҗалыгы һәм азык-төлек министры Марат Җаббаров катнашты.
• 25 февральдә Габдулла Кариев исемендәге Казан татар дәүләт яшь тамашачы театрының 35 еллык юбилеена багышланган чаралар циклы «Артист» комедиясе белән башлана. Аны Габдулла Кариев үзе язган, язучы Ркаил Зәйдулла, пьесаны тулыландырып, яңасын әзерләгән.

Нашли опечатку? Выделите фрагмент и отправьте нажатием Ctrl+Enter