Яңалыклар(07.02.23)

Иртәнге чыгарылыш.

• Татарстан халкы һәм җитәкчелеге Төркиядә һәм Сүриядә җир тетрәү вакытында һәлак булучыларның туганнарының һәм зыян күрүчеләрнең кайгысын уртаклаша.
• 2024 елда Казанда «Киләчәк Уеннары» халыкара мультиспорт турниры үткәрелә. Татарстан Хөкүмәте Йортында ярышларны оештыру комитеты утырышы узды.
• Татарстан Республикасы Рәисе Рөстәм Миңнеханов Россия Фәннәр Академиясенең Уникаль приборлар төзү фәнни-технологик үзәге директоры Марат Булатов белән очрашты.

Көндезге чыгарылыш.

• Бүген Казанда Ливия дәүләте делегациясенең эш сәфәре дәвам итә. Ливиянең Россия Федерациясендәге Гадәттән тыш һәм Тулы вәкаләтле Илчесе Әмөхәммәд Әлмәграви җитәкләгән делегация Татарстан Рәисе Рөстәм Миңнеханов белән очрашты.
• Төркия һәм Сүриядә җир тетрәү нәтиҗәсендә һәлак булучылар саны 4 мең 300 кешедән артып киткән. Зыян күрүчеләрне коткару, хәрабәләрне торгызу эшләре дәвам итә. Җир тетрәү нәтиҗәләрен бетерү өчен Төркиягә килгән Россия коткаручылары илнең иң зыян күргән районнарының берсендә — Кахраманмарашта эшли.
• Бүген – Татарстан Респуликасы Дәүләт Гербы көне. Бәйрәм белән республика халкын Татарстан Дәүләт Советы рәисе Фәрит Мөхәммәтшин котлады.

Кичке чыгарылышлар.

• Бүген Татарстанда Дәүләт гербы көне билгеләп үтелә. Татарстан халкын бәйрәм белән республика Рәисе Рөстәм Миңнеханов ике телдә котлады.
• Төркиянең Казандагы Генераль консуллыгы илнең берничә шәһәрендә булган җир тетрәүләрдән соң зыян күрүчеләргә гуманитар ярдәм күрсәтү пунктын ачты. Пункт 11 һәм 12 февральне дә кертеп, киләсе ял көннәрендә дә эшләячәк.
• Бәшир Рәмиев исемендәге Казандагы яңа ИТ-паркта совет галиме-уйлап табучысы, беренче совет электрон-исәпләү машиналарын ясаган Бәшир Рәмиев иҗатына багышланган музей ачылды. Бу минутларда биредә беренче тәкъдим итү чарасы дәвам итә.

• Татарстан Республикасы Рәисе Рөстәм Миңнеханов һәм «Газпром» җәмгыяте идарәсе рәисе урынбасары — департаменты башлыгы Виталий Маркелов «Казанкомпрессормаш» цехларында булдылар.
• Бүген – Татарстан Республикасы Дәүләт гербы көне. Ул Татарстанның Югары Советы тарафыннан 1992 елның 7 февралендә расланган.
• Татарстанда «Россия чаңгы юллары» старты 11 февральдә була.

Нашли опечатку? Выделите фрагмент и отправьте нажатием Ctrl+Enter