Яңалыклар (31.01.23)

Иртәнге чыгарылыш.

• Татарстан мәктәпләрендә февраль аенда “Без-Россия гражданнары” дигән парламент дәресләре уза. Алар милли мәдәниятләр һәм гореф-гадәтләр елына багышлана. Бу хакта Татарстан Дәүләт Советы рәисе Фәрит Мөхәммәтшин педагоглар белән очрашуда белдерде.
•  Бүген Түбән Кама шәһәре зиратында, туганнар каберлеге янында, 80нче аерым чаңгы батальоны солдатларын искә алуга багышланган митинг оештырыла. Өч ел элек — 2020 елның 31 гыйнварында Түбән Камада  әлеге батальонда дошманга каршы көрәшкән 19 солдатның җәсәде туганнар каберлегенә җирләнгән иде.
•  Узган ел Татарстанда «Мәдәният волонтерлары» программасында 4 мең 300гә якын кеше катнашкан. Бу күрсәткеч  Россия төбәкләре арасында иң яхшылардан санала.

Көндезге чыгарылыш.

• Татарстан Президенты Рөстәм Миңнеханов «Камалыштагы Ленинградта яшәүче» билгесе булган алты Бөек Ватан сугышы ветеранын «ТАССР төзелүгә 100 ел» медале белән  бүләкләде.
• Республикада Донецк һәм Луганск халык республикаларыннан, Запорожье һәм Херсон өлкәләреннән мәҗбүри күченеп килүчеләрне урнаштыру, тукландыру чыгымнары өчен компенсация бирелә. Татарстан Премьер-министры Алексей Песошин  Министрлар Кабинетының тиешле карарына кул куйды.

Кичке чыгарылышлар.

• Бүген Татарстан Хөкүмәте Йортында «Татнефтехиминвест-холдинг» Акционерлар җәмгыяте Директорлар советының чираттагы утырышы узды.
• Түбән Камадагы “СИБУР” предприятиесендә яңа олефин комплексы инвестиция проекты гамәлгә ашырыла.
• 1 һәм 2 февральдә Казанда кан бирү буенча хәйрия акциясе оештырыла. Шәһәр халкын Республика кан үзәгендә кабул итәләр. Кан тапшыру иртәнге сәгать сигездән алып уникегә кадәр, Җиңү проспекты, 85 адресы буенча үткәрелә.

• Татарстан Президенты Рөстәм Миңнеханов Абхазия вице-премьеры, икътисад министры Кристина Озган белән очрашты.
• «Татнефтехиминвест-холдинг» ААҖ Директорлар советы утырышында берничә инновацияле проектлар каралды.
• Татарстан Республикасы Мәдәният министрлыгының йомгаклау коллегиясенең киңәйтелгән утырышы Татарстан Президенты Рөстәм Миңнеханов катнашында «Казан Экспо» залында булды.

Нашли опечатку? Выделите фрагмент и отправьте нажатием Ctrl+Enter