Яңалыклар (27.01.23)

Иртәнге чыгарылыш.

Татарстан Республикасы Дәүләт Советының язгы сессиясе ачылды.
Бүген республикада Татарстан Төзелеш, архитектура һәм торак-коммуналь хуҗалык министрлыгының «торак-коммуналь хезмәтләр»гә багышланган туры элемтәсе ачыла.
Кәрим Тинчурин исемендәге театрда «Идегәй» дастаны буенча сәхнәләштерелгән спектакленең премьерасы күрсәтелә.

Көндезге чыгарылыш.

Татарстан Президенты Рөстәм Миңнеханов  «Татарстан Республикасы Конституциясенә үзгәрешләр кертү турындагы»  законны имзалады. Закон нигезендә, республика җитәкчесенең вазифасы киләчәктә Татарстан Республикасы Рәисе,  рус телендә – Глава дип аталачак.

Татарстан Президенты Рөстәм Миңнеханов «Украина. Чорлар алышынганда» дигән мультимедиа күргәзмәсендә булды.  Күргәзмә «Россия – минем тарихым» тарихи паркында оештырылды. Ун тематик экспозиция залы борынгы Россия дәүләте оешканнан алып, бүгенге вакыйгаларга кадәр зур тарихи чорны үз эченә ала.

Казанда Татарстан һәм Башкортстан Муниципаль берәмлекләр советлары арасында хезмәттәшлек турында килешү имзаланды. Җирле үзидарә органнарының эш тәҗрибәсе белән уртаклашу, җирле үзидарәне үстерү буенча программалар һәм чараларны гамәлгә ашыруда хезмәттәшлек өчен мөмкинлекләр артты.

Кичке чыгарылышлар.

Бүген Татарстан Президенты Рөстәм Миңнеханов «Ленинград камалышында яшәүче» билгесенә лаек булган Бөек Ватан сугышы ветераннары белән очрашты. Казан Кремлендә узган очрашу Ленинград боҗрасы өзелүгә 80 ел тулуга һәм Ленинградны фашистлардан тулысынча азат итүгә 79 ел тулуга багышланды.

Россия тикшерү комитетының Татарстандагы идарәсе төбәкләр арасында алдынгы позицияне саклый. Бүген бу хакта Татарстан  Президенты Рөстәм Миңнеханов Россия тикшерү идарәсенең йомгаклау коллегиясендә хәбәр итте.

Аз керемле гаиләләр өчен бердәм пособие, беренче тапкыр  билгеләнгәннән соң, биш көн үткәч, шуннан соң айның һәр 3нче көнендә бирелә. Бердәм пособие керемнәре яшәү минимумыннан кимрәк булган гаиләләрдәге, мохтаҗлыкны комплекслы бәяләү алымын кулланып, 17 яшькә кадәрге һәр балага билгеләнә.

Нашли опечатку? Выделите фрагмент и отправьте нажатием Ctrl+Enter