Яңалыклар (25.01.23)

Иртәнге чыгарылыш.

Татарстанда икенче ел рәттән яңа төзелгән торак 3 миллион квадрат метрдан артып китте. Бу хакта Республика төзелеш, архитектура һәм торак-коммуналь хуҗалык министрлыгының йомгаклау коллегиясе утырышында президент Рөстәм Миңнеханов әйтеп узды.
Казан Кремлендә 2022 елда волейбол буенча Россия Кубогын яулаган «Зенит-Казан» волейбол клубы командасын хөрмәтләделәр.
Рөстәм Миңнеханов Казан дәүләт архитектура-төзелеш университетында булды.
Татарстан Республикасы Президенты Рөстәм Миңнеханов Бөтенроссия самбо федерациясе президенты Сергей Елисеев белән очрашты.

Көндезге чыгарылыш.

Татарстан Президенты Рөстәм Миңнеханов хокук сагында торучыларга – “Татарстанның атказанган эчке эшләр органнарны хезмәткәре” дигән мактаулы исемнәр бирү турындагы Указны имзалады.

Чаллыда мобилизацияләнгән ир-егетләрнең якыннары игътибар үзәгендә тора. Балаларны мәктәпләрдә ике тапкыр бушлай тукландыру оештырылган. 358 сабый балалар бакчаларына бушлай йөри. Беренче балалары туган гаиләләргә 100әр мең сум бирелә.

Балалар һәм яшьләр коллективларының “Театраль Идел буе”  фестивале башланды. Фестиваль Россия Президентының Идел буе федераль округындагы Тулы вәкаләтле вәкиле Игорь Комаров ярдәме белән уздырыла. Гаризалар  15 февральгә кадәр кабул ителә.

Кичке чыгарылышлар.

Бүген Россиядә  студентлар көне билгеләп үтелә. Татарстан Президенты Рөстәм Миңнеханов республика югары уку йортларында белем алучыларны бәйрәм белән котлады. Кичке якта Казанның Пирамида залында ел студентын хөрмәтләү тантанасы була.

Татарстан Президенты Рөстәм Миңнеханов «Раймед ТГ ПВТ» компаниясенә нигез салучы һәм генераль директоры Раджив Кумар белән очрашты. Медицина продукциясе җитештерү өлкәсендә хезмәттәшлек мәсьәләләре, уртак проектларның перспективалары турында фикер алыштылар.

Казандагы Җәмигъ мәчете төзелешенә җәй көнне ныклап керешәләр. Бинаның эскиз проекты әзер, хәзер корылманың техник характеристикалары һәм аны төзү өчен кирәкле төзелеш материаллары саны исәпләнә.

Рөстәм Миңнеханов Коръәнне яндыруга бәйле акцияләрне гаепләп чыкты.
Бүген — Россия студентлар көне. Татарстан Президенты Казан федераль университетында булды.
Рөстәм Миңнеханов Татарстан Министрлар Кабинеты утырышында катнашты.
Казан Җәмигъ мәчете төзелешенең актив фазасы быел, 2023 елда, җәй көне башланырга тиеш.

Нашли опечатку? Выделите фрагмент и отправьте нажатием Ctrl+Enter