Күркәм эшләр эзеннән (17.01.23)

Бүгенге чыгарылышыбыз – кечкенә генә авылның фидәкарь кешеләренә багышлана. Кечкенә диюебез – чагыштырмача гына кулланыла торган сүз, әлбәттә. Чөнки без юл тоткан Торнаяз авылы территориясе зур булмаса да, гаять тырыш кешеләре белән дан тота. Дөбьязга ырынып ук торуы сәбәпле, аның башка шундый кечкенә авыллардан өстен ягы бар – ул беркайчан да үзен кимсетелгән, онытылган кебек хис итми.
Дөбьяз юлыннан йөрүчеләр Латыйповларның фермасын яхшы белә. Юл кырыенда гына төзек абзар биналары – аларныкы. Йортларыннан да ерак түгел. Биредә безне сыерларның мөгрәгән тавышлары гына түгел, гүләп торган машиналар да каршы алды. Чөнки терлекләрне ашату, җыештыру, саву һәм идарә итү – роботлар вазыйфасы. Фермер Ленар Латыйпов гаилә эшенең уңышлы баруы турында горурланып сөйли.

Нашли опечатку? Выделите фрагмент и отправьте нажатием Ctrl+Enter