Яңалыклар (16.01.23)

Иртәнге чыгарылыш.

Быел Татарстанда ташламага ия булучыларга участок эчендә газ үткәрүгә, газ җиһазлары сатып алуга һәм урнаштыруга субсидия 100 мең сумга кадәр арта.
Россия кулланучылар күзәтчелегенең ТР буенча идарәсе эшмәкәрләр өчен ачык ишекләр көне үткәрәчәк.
Казанда Яңа ел чыршыларын кабул итү өчен өч пункт эшли башлады.

Кичке чыгарылыш.

Казанда «Закон территориясе» республика конкурсына йомгак ясалды. Республика Премьер-министры Алексей Песошин, эчке эшләр министры Артем Хохорин җиңүчеләрне бүләкләделәр.

Татарстан Министрлар кабинеты Украинадагы махсус хәрби операциядә ирекле рәвештә, контракт нигезендә катнашкан һәм мобилизацияләнгәннәрнең иминият стажы турындагы карарны раслады. Мобилизацияләнүчеләр өчен салым декларацияләре һәм счетлары буенча акчалата хисап ясау вакыты озайтылды.

Бүген киң җәмәгатьчелек I һәм II чакырылыш Татарстан Дәүләт Советының элеккеге депутаты, Чирмешән районын 1991 елдан 2010 елга кадәр җитәкләгән, аннан соң республика муниципаль берләшмәләр Советы рәисе булып эшләгән  Минсәгыйть Закир улы Шакировны соңгы юлга озатты. Татарстан Президенты Рөстәм Миңнеханов мәрхумнең хатыны Асия Шакировага кайгы уртаклашу телеграммасын җибәрде.

Нашли опечатку? Выделите фрагмент и отправьте нажатием Ctrl+Enter