Яңалыклар (05.01.23)

Иртәнге чыгарылыш.

• Татарстан Президенты Рөстәм Миңнеханов мобилизацияләнүчеләрне коммуналь хезмәтләргә вакытында түләмәгән өчен, пенидан азат итү тәртибен раслый торган Указны имзалады.
• Шәриф Камал исемендәге Әдәби премиягә дәгъва итүчеләрдән гаризалар 10 гыйнварга кадәр кабул ителә. Аны Татарстан Мәдәният министрлыгы, Милли музей һәм Татар китабы йорты гамәлгә куйды.
• Бүген Кукмарада зур бәйрәм — «Кукмара итекләре» фестивале үткәрелә. Программада — иҗади күргәзмә, осталык дәресләре, спорт ярышлары, татар эстрадасы артистлары катнашында концерт, башка күңел ачу тамашалары.

Кичке чыгарылыш.

Россия Президенты Владимир Путин Россия фән һәм югары белем министры урынбасары Айрат Гатиятовка өченче класслы гамәлдәге дәүләт киңәшчесе исемен бирде.
Бәйрәм һәм ял көннәре булуга карамастан, бу арада торак-коммуналь хуҗалык, энергетика, нефть һәм җитештерү сәнәгате, сәламәтлек, кайбер хезмәт күрсәтү тармаклары эшчеләре — хезмәт урыннарында.
ЮХИДИ идарәсе «Кышкы каникул» оператив-кисәтү чарасын үткәрә.

Нашли опечатку? Выделите фрагмент и отправьте нажатием Ctrl+Enter