Күркәм эшләр эзеннән (16.12.22)

Яңа эшләргә күбесенчә ел башында тотынсалар да, бу сәхифәне иске елны озату мәшәкатьләре белән йөргәндә башлап җибәрергә булдык. Чөнки 2023 елны ныклы ният, икеләнүләрсез каршылавы хәерлерәк дип уйлыйбыз.
Һәр заманның үз геройлары, үз идеяләре бар дип акланырга яратабыз. Ләкин буыннан-буынга күчәргә тиешле кыйммәтләр булуын онытмыйк. Алар – кешелеклелек, фидакарьлек, игелекле булу. Мондый сыйфатларга ия кешеләр, һичшиксез, һәр җирдә: кечкенә генә авылда да, зур шәһәрләрдә дә, хезмәт коллективларында да бар. Бик тыйнак булулары сәбәпле, алар турында белеп тә бетермибез. Шуңа күрә, сездән үрнәк замандашларыбыз хакында хәбәрләр белән хатлар һәм шалтыратулар көтеп калабыз. Мондый кешеләр безнең игътибарга һәм ихтирамга лаек!
Күркәм эшләр безне бу юлы Лаеш районының Олы Кабан авылына китерде. Ул Казан-Оренбург автомобиль юлында, Лаеш шәһәреннән 38 чакрым төньяк-көнбатышта урнашкан. Казан тирәсендәге бистә-авылларга хас булганча, Олы Кабан авылы да үсә, яңа йортлар салына, инфраструктура яхшыра. Төзелеп килә торган урамнарның берсе безнең бүгенге героебыз исемен йөртә. Күп очракта урамнарга арабыздан киткән бөек шәхесләрнең исемнәре бирелә бит. Замандашыбыз Хәмит Минһаҗ улы Халиуллин халык мәхәббәтенә ничек ирешкән соң?

Нашли опечатку? Выделите фрагмент и отправьте нажатием Ctrl+Enter