Башкортстан радиосыннан алмаш тапшыру (03.12.22)

“Безгә тылмач кирәкми”. Башкортстан радиосыннан алмаш тапшыру.

Кадерле дуслар, бүген көнебезне җирдәге иң кадерле, иң кыйммәтле байлык турында сөйләшеп башлыйк әле. Ул – дуслык, татулык, бердәмлек. Татарстан һәм Башкортстан дәүләт радиолары арасында үзара тапшырулар алмашу, традициясе инде бик күптәннән, Җир йөзендә радио дигән мәгълүмат чарасы барлыкка килгән заманнардан ук яшәп килә. Без менә шушы матур традицияне яңартып җибәрергә булдык. Һәм мондый тапшырулар циклын “Безгә тылмач кирәкми” дип исемләдек. Чыннан да ике халык, ике куәтле республика арасында икътисадый, мәдәни, мәгълүмати багланышлар булдыруны  тормыш үзе сорап тора. Чөнки без гади-гадәти күршеләр генә түгел, кан кардәшләр, якын туганнар. Ходай безгә туган-тумачаларыбыздан читләшмәскә, һәрвакыт үзара аралашып, хәбәрләшеп, ярдәмләшеп яшәргә куша. “Безгә тылмач кирәкми” дигән шушы тапшырулар сериясе дә нәкъ менә шул максат белән дөньяга яралды. Әле күптән түгел генә Башкортстан радиосы эфирында башкорт һәм татар халкына бердәй кадерле моң иясе – бөек җырчыбыз Илһам Шакиров рухына багышланган тапшыру яңгыраган иде. Бүген исә без – Татарстан радиосы — үз тыңлаучыларыбызга башкорт дусларыбыздан килгән күчтәнәчне тапшырабыз.

Нашли опечатку? Выделите фрагмент и отправьте нажатием Ctrl+Enter