Тел күрке – сүз (20.11.22)

Бүген без сезне Татарстанның халык язучысы Гәрәй Рәхимнең «Сүз көче» дип исемләнгән язмасы белән таныштыруыбызны дәвам итәрбез.

Язучының төп эш коралы – тел. Ул үзенең уй-фикерләрен, хисләрен укучыга дөрес һәм тулы итеп аңлату өчен гомере буе каләмен чарлый, ягъни тел гыйлемен камилләштерә. Әнә шуңа күрә дә гомерләрен әдәби иҗатка багышлаган язучыларны без чын мәгънәсендәге тел галимнәре дип әйтә алабыз. Нәкъ шул рәвешчә, Гәрәй Рәхим дә тел дигән могъҗиза белән эш иткәндә күп тапкырлар аның эченә яшерелгән серләрне ачкан, сузләрнең без моңа кадәр башыбызга да китереп карамаган яңа семантик сурүләренә тап булган. Һәм үзенең шушы ачышларын озак еллар дәвамында кәгазьгә теркәп барган.  2021 нче елда, бакыйлыкка күчәр алдыннан Гәрәй Рәхим гомере буе туплаган шушы белемен безнең белән бүлешергә булды. Узган елның җәендә «Тел күрке – сүз» тапшыруына «Сүз көче» дигән күләмле язма алып килде. Бүгенге тапшыруда, инде әйткәнебезчә, без шушы хезмәт белән танышуны дәвам иттерербез. «Таныш исемле күршеләр» дип исемләнгән мәкаләне Татарстанның халык артисты Тәлгать Хаматшин укый.

Нашли опечатку? Выделите фрагмент и отправьте нажатием Ctrl+Enter