Музыкаль мизгелләр (07.11.22)
Татарстан радиосында эшләгән комозиторларның һәм шагыйрьләрнең әсәрләреннән концерт.
Казан сөйли… Говорит Казань! Бүген бу сүзләрнең беренче тапкыр эфирда яңгыравына төп-төгәл 95 ел!
1927 елның 7 ноябрендә татар сүзе дөньяга чыга һәм шул мизгелдә халкыбыз тарихында яңа бер дәвер – Татарстан радиосы дәвере башланып китә.
“Музыкаль мизгелләр” сәхифәсенең бәйрәм чыгарылышын без төрле елларда Татарстан радиосында эшләгән шагыйрьләрнең шигырьләренә иҗат ителгән җырлардан төзедек. Татарстан радиосы һәрвакыт әдәбият кешеләренең оясы булган. Язучы Шамил Усманов оештырган радиода дистәләгән язучылар, шагыйрьләр хезмәт куйган: Гадел Кутуй, Хәсән Туфан, Кави Нәҗми, Гомәр Бәширов, Әмирхан Еники, соңрак чорларда – Хәсән Сарьян, Ләбиб Айтуганов, Әхмәт Рәшит, Зиннур Мансуров, Мидхәт Миншин, Рөстәм Акъегет, Дания Гайнетдинова… һәм башкалар, һәм башкалар. Ә инде радиога килгәләп йөреп хезмәттәшлек иткән язучыларны санап китсәк, егерменче гасырда бөтен татар әдәбиятын кузгатырга туры килер иде.
Күрәсез дуслар, безнең радиода эшләгән шагыйрьләрнең шигырьләренә язылган җырларны бергә тупласак, дөньяда иң матур концерт булыр иде.
Хәзер без сезне нәкъ менә шундый концерт тыңларга чакырабыз.
Нашли опечатку? Выделите фрагмент и отправьте нажатием Ctrl+Enter
Поделиться новостью:
Блог
&mh_tags=&mh_page=https://old.trt-tv.ru/?p=480606){kind=small}
ГТРК "Татарстан", 420095, г.Казань, ул.Шамиля Усманова, 9
Телефон редакции:
8 (843) 528-25-59
Электронная почта редакции ГТРК:
vesti@trttv.ru16+
