Яңа көн (07.09.22)

Һәр елны сентябрьнең беренче якшәмбесендә  нефтьчеләр һәм газ сәнәгате эшчәннәре үзләренең һөнәри бәйрәмнәрен билгеләп үтәләр. Бәйрәм уңаеннан республикабызның нефть чыккан төбәкләрендә төрле чаралар үткәрелде, бай тарихлы нефть төбәгенә күпсанлы кунаклар килде. Журналист Ясир Хөснетдинов әзерләгән материалда сүз шулар хакында бара.

Иртәнге эфирны бу дүшәмбедә булып үткән тарихи вакыйга турында мәгълүмат белән дәвам итәбез. Казанда Татарстанның Халык шагыйре, Г. Тукай исемендәге Дәүләт премиясе лауреаты танылган сәясәтче һәм җәмәгать эшлеклесе Роберт Мөгаллим улы Миңнуллинга мемориаль такта ачылды.
Шулай да күренекле шәхесләр турында истәлекне саклау өчен мемориаль такта ачу, аның иҗатын өйрәнү генә җитеп бетми. Үзеңнән соң килгән буын эшеңне дәвам итә икән – син тарафдарларың һәм халык күңелендә мәңге сакланасың дигән сүз. Роберт Миңнуллин күпсанлы әдәби конкурсларны оештыру, яшь иҗатчылар белән эшләүгә зур игътибар биргән кеше. Ул «Глаголица» әдәби премиясе өчен үткәрелә торган конкурста да жюри рәисе була.

Быел Халыкара конкурс 9нчы тапкыр үткәрелә. Анда катнашырга теләүчеләргә 19нчы сентябрьгә кадәр теркәлергә һәм хезмәтләрне җибәрергә кирәк.
Быелгы чара турында татар язучысы, шагыйрь, күпсанлы премияләр лауреаты Рифат Салах белән сөйләшәбез.

Нашли опечатку? Выделите фрагмент и отправьте нажатием Ctrl+Enter