Җиде көн (09.07.22)

Атналык күзәтү.

Бүген мөселманнар өчен иң изге бәйрәмнәрнең берсе — Корбан гаете.
Казанның Галиев мәчетенә бәйрәм намазына Татарстан Президенты Рөстәм Миңнеханов, ТР Төзелеш, архитектура һәм торак-коммуналь хуҗалык министры Ирек Фәйзуллин да килде.
Корбан гаете уңаеннан Рөстәм Миңнеханов республика мөселманнарын бәйрәм белән котлады.
Дин кардәшләребезне бәйрәм белән Татарстан мөфтие Камил хәзрәт Самигуллин да котлады.
Гадәттәгечә, Корбан бәйрәме уңаеннан мөселманнарга Россия Президенты Владимир Путин һәм Россия Президентының Идел буе федераль округындагы Тулы вәкаләтле вәкиле Игорь Комаров мөрәҗәгать итте.

Бу атнада Татарстан Президенты Рөстәм Миңнеханов Екатеринбургта үткәрелгән «Иннопром-2022» халыкара сәнәгать күргәзмәсендә катнашты. 6- 8 июль көннәрендә Татарстанда АГРОВОЛГА күргәзмәсе булды.
Кичә, 8 нче июль — Гаилә, мәхәббәт һәм тугърылык көне иде, ә иртәгә чуваш халкы «Уяв» бәйрәмен билгеләп үтә.

Нашли опечатку? Выделите фрагмент и отправьте нажатием Ctrl+Enter