Яңалыклар (05.07.22)

Иртәнге чыгарылыш.

Татарстан Президенты Рөстәм Миңнеханов «Иннопром-2022» халыкара сәнәгать күргәзмәсендә катнашты.
Рөстәм Миңнеханов «Иннопром-2022» халыкара сәнәгать күргәзмәсе сессиясендә чыгыш ясады. Сессиядә ул республикада бизнесны үстерү өчен тормышка ашырыла торган яңа инфраструктура проектлары турында сөйләде.
Рөстәм Миңнеханов Төркия Республикасы Сәнәгать һәм технологияләр министры урынбасары, Төркия Республикасы Президентының баш киңәшчесе Хәсән Бөекдәдә, Казахстанның Костанай өлкәсе акимы Архимед Мухамбетов белән очрашты.

Көндезге чыгарылыш.

«Иннополис» махсус икътисадый зонасының нәтиҗәлелеге 2021 елда янә 100% тәшкил иткән.
Казан предприятиеләрендә эш урыннарын саклап калу өчен 114 млн сум бүлеп бирелгән, аларның 28 млн сумы сәнәгать тармагы эш бирүчеләренә субсидия рәвешендә җибәрелгән.
6 июльдән Татарстанда мәктәпкә беркетелгән территориядә яшәмәүче балалардан беренче сыйныфка укырга керү өчен гаризалар кабул ителә башлый.

Кичке чыгарылышлар.

Татарстан Президенты Рөстәм Миңнеханов Үзәк хәрби округы гаскәрләре командующие, генерал-полковник Александр Лапинны Россия Герое исеме бирелү белән котлады.
Хезмәткәр, эш бирүче һәм эзләүче дәүләт хезмәтләре порталы аша электрон кадрлар документлары белән алмаша алачак. РФ Хөкүмәтенең бу карары 2022 елның 1 сентябреннән үз көченә керә.
Казанда яңа күппрофильле балалар хастаханәсе проекты эшләнә. Бу хакта «Татар-информ»га Татарстан башкаласының Сәламәтлек саклау идарәсе матбугат хезмәтендә сөйләделәр.

Татарстан Президенты Рөстәм Миңнеханов Үзәк хәрби округы гаскәрләре командующие, генерал-полковник Александр Лапинны Россия Герое исеме бирелү белән котлады.
Бүген ТР Дәүләт Советы Рәисе Фәрит Мөхәммәтшин Кытай Халык Республикасының Казандагы Генераль консулы У Инцин әфәнде белән очрашты.
1 июльдән Татарстанда һәм аның башкаласында коммуналь хезмәтләргә тарифлар артты.

Нашли опечатку? Выделите фрагмент и отправьте нажатием Ctrl+Enter