Яңалыклар (31.05.22)

Иртәнге чыгарылыш.

Татарстан Президенты Рөстәм Миңнеханов Мәскәүгә эш сәфәре кысаларында Россия Хөкүмәте вице-премьеры Марат Хөснуллин белән очрашты.
Рөстәм Миңнеханов «Россия лидерлары» идарәчеләр конкурсының дүртенче сезоны суперфиналында республиканы тәкъдим иткән җиңүчеләргә котлау телеграммасы юллады.
Алтынчы чакырылыш ТР Дәүләт Советы депутаты Олег Коробченко Татарстан вице-премьеры — ТР сәнәгать һәм сәүдә министры вазифаларын башкаручы итеп билгеләнде.

Көндезге чыгарылыш.

Россия Премьер-министры Михаил Мишустин июнь башыннан минималь хезмәт хакын, яшәү минимумын һәм эшләмәүче пенсионерлар өчен иминият түләүләрен арттыру турында карар имзалады.
Бүген Казан Кремлендә “Ата-ана фидакарьлеге” медален тапшыру тантанасы булды.
Республикада чәчү эшләре төгәлләнеп килә. Бу хакта Татарстан Премьер-министры урынбасары, Авыл хуҗалыгы һәм азык-төлек министры Марат Җаббаров сөйләде.

Кичке чыгарылышлар.

Бүген Россиянең Иминлек Советы Секретаре Николай Патрушев Татарстанга эш визиты белән килде. Республика Президенты Рөстәм Миңнеханов һәм Россия Президентының Идел буе федераль округындагы Тулы вәкаләтле вәкиле Игорь Комаров аны «Казан» халыкара аэропортында каршы алды.
Бүген Татарстан Республикасы Президенты Рөстәм Миңнеханов Башкортостан Республикасы башлыгы Радий Хәбиров белән очрашты.
РФ сәламәтлек саклау министрының беренче урынбасары Виктор Фисенко әйтүенчә, Татарстан медицинасындагы үзгәрешләр халык өметләренә җавап бирә.

Россия Федерациясе Иминлек Советы Секретаре Николай Патрушев эш визиты белән Татарстанда.

Казан Кремлендә Татарстан Республикасы Президенты Рөстәм Миңнеханов Россия Федерациясе Иминлек Советы Секретаре Николай Патрушев һәм Россия Федерациясе Президентының Идел буе федераль округындагы Тулы вәкаләтле вәкиле Игорь Комаров белән очрашты.

Николай Патрушев Казанда Идел буе федераль округы төбәкләрендә милли иминлекнең актуаль мәсьәләләре буенча киңәшмә уздырды.

РФ сәламәтлек саклау министрының беренче урынбасары Виктор Фисенко Казанның 7 нче хастаханәсендә дәвалау-тернәкләндерү үзәге эше белән танышты.

Нашли опечатку? Выделите фрагмент и отправьте нажатием Ctrl+Enter