Яңалыклар (10.05.22)

Иртәнге чыгарылыш.

Илебез иң зур һәм мөһим бәйрәмнәрнең берсен – Бөек Ватан сугышында Җиңү көнен билгеләп үтте. Быел бу истәлекле көнгә 77 ел тулды. Җиңүгә Татарстан халкы да зур өлеш кертә.
Бәйрәм иртәсе республиканың шәһәр һәм районнарында Бөек Ватан сугышы ветераннарына, обелиск һәм мемориаль комплексларга чәчәкләр һәм веноклар салудан башланды.
Республика башкаласындагы төп бәйрәм чаралары Меңъеллык мәйданында оештырылды.
«Үлемсез полк» акциясе быел аеруча көтеп алынды. Ике еллык тәнәфестән соң, ул янә сугыш геройлары плакатлары белән йөреш форматында узды.
Казанда Советлар Союзы Герое Борис Кириллович Кузнецовка бюст ачылды.

Кичке чыгарылыш.

Татарстан Президенты Рөстәм Миңнеханов эш сәфәре белән республиканың Азнакай районында булды. Ул чәчү эшләре барышы белән танышты һәм агропарк төзүне тәэмин итәргә йөкләмә бирде.

Шулай ук Татарстан Президенты Рөстәм Миңнеханов Лениногорск районында да булды.Ул биредә «Виктория» теплица комплексын карады.

Татарстан Президенты Рөстәм Миңнеханов Лениногорск муниципаль районына эш сәфәре кысаларында Россия Федерациясе Герое Дамир Нәзир улы Исламов каберенә чәчәкләр салды һәм Геройның әти-әнисе белән очрашты.

Нашли опечатку? Выделите фрагмент и отправьте нажатием Ctrl+Enter