Җиде көн (02.04.22)

Атналык күзәтү.

Бу атнада Татарстан Президенты Рөстәм Миңнеханов эш сәфәре белән Берләшкән Гарәп Әмирлекләрендә һәм Сенегалда булды.

Яз – табигатьнең җанлану, ямьләнү вакыты. Табигатьнең шундый гүзәл чорында кешеләр дә матур гамәлләр кылырга тиеш. 1 апрельдән республикада, гадәттәгечә, санитар-экологик икеайлык башлана.

Бүген Изге Рамазан аенының беренче көне. Кичә кояш баю белән мөселманнар Рамазан аена аяк басты. Шулай итеп, дин кардәшләребез өчен иң кадерле һәм мөбарәк булган 30 көн һәм төн башланды. Ихлас тәбрикләү сүзләре белән Татарстан мөфтие Камил Сәмигуллин мөселманнарга мөрәҗәгать итте.

КичәТатарстан Донецки и Лугански  халык  республикаларыннан күчеп китәргә мәҗбүр булган  500 дән артык кеше килде. Поездны Казанның  үзәк вокзалында каршы алдылар.  Республикабызга килүчеләрнең яртысы — балалар. Күченүчеләрне гадәттән тыш хәлләр министрлыгы, ашыгыч ярдәм, полиция, Росгвардия  хезмәткәрләре һәм 300ләп волонтер каршы алды.

 «Барлык килгән ДНР һәм ЛНР халкы вакытлыча урнашу пунктларына юл тотачак, алар кирәкле барлык әйберләр, шул исәптән азык-төлек продуктлары, беренче кирәк-яраклар белән тәэмин ителәчәк. Урыннарда кирәк булганда кешеләргә медицина ярдәме күрсәтеләчәк»,-дип сөйләде республика Премьер-министрының беренче урынбасары Рөстәм Нигъмәтуллин.

Нашли опечатку? Выделите фрагмент и отправьте нажатием Ctrl+Enter