Әдәбиятыбыз сәхифәләре (26.03.22)

Галимҗан Ибраһимов әсәрләре.

Быел март аенда классик язучыбыз, галим, дәүләт эшлеклесе, Хезмәт Батыры Галимҗан Ибраһимовның тууына 135 ел тулды. Шушы уңайдан ай дәвамында аның иҗатына һәм тормыш юлына багышланган тапшырулар, язучының әсәрләре эфирга бирелә. Иртәгә, мәсәлән, 15 сәгать 10 минутта әдипнең “Кызыл чәчәкләр” повесте буенча эшләнгән “Без түбәннән күтәрелдек” дигән радиоспектакль эфирга чыга һәм ул 16 сәгать 10 минутта дәвам итәчәк. 28 март көнне Татарстан язучылар берлегенең Габдулла Тукай исемендәге клубында Галимҗан Ибраһимов истәлегенә багышланган кичә буласын ишеткәнсездер инде. Әлеге кичәне яздырып алып, якын араларда сезнең хозурыгызга чыгарырга ниятләп торабыз. Кыскасы, әдипнең юбилеена багланышлы тапшырулар тезмәсе безне апрельгә – шигърият аена алып керәчәк.

Хәзер, әйткәнебезчә, әнә шундый тапшыруларның берсе. Без сезне Галимҗан Ибраһимовның “Карак мулла” дигән әсәрен тыңларга чакырабыз. Аны Фирдүс Гыймалтдинов укый. Монспектакль Татарстан китап нәшриятында дөнья күргән аудиокитапка нигезләнеп, режиссер Рамил Һидиятулла һәм мөхәррир Рөстәм Акъегет тарафыннан әзерләнгән.

Нашли опечатку? Выделите фрагмент и отправьте нажатием Ctrl+Enter