Яңалыклар (22.03.22)

Иртәнге чыгарылыш.

Рөстәм Миңнеханов республика эшмәкәрләре белән очрашты.
Тарихи җирлекләрдә шәһәр төзелеше эшчәнлеге мәсьәләләре буенча ведомствоара комиссия утырышында тарихи җирлекләрдә төзелеш проектлары расланды.
Идел буе Болгары халыклары ислам динен кабул итүнең 1100 еллыгы уңаеннан Рязань өлкәсе Касыйм шәһәрендә Сөембикә ханбикәгә һәйкәл ачылачак.
Казан эшмәкәре Динар Миннәхмәтов сүзләренчә, хәзер эчке җитештерү өчен өстәмә мөмкинлекләр барлыкка килә. «Кырымнан соң без Россиядә үз компанияләребезнең үсә башлавын күрдек, без чит илдән китерелгән продуктларны алыштыра башладык. Озак срокка хисап тотканда, бу , әлбәттә, зур плюс. Хәзер безнең компанияләр берникадәр үсеш алыр, ихтыяҗларны каплап булыр, дип уйлыйм. Ләкин тиз генә булмас, бераз авырга туры киләчәк, әмма мин барысын да үтәрбез дип уйлыйм. Чөнки Хөкүмәт дөрес чаралар күрә. Кече һәм урта бизнесны яклый, халыкка да ярдәм кулы суза. Хәзер төзелеш тармагына ярдәм итәргә кирәк. Чөнки төзелеш икътисадның төп драйверы булып тора», диде Казан эшмәкәре Динар Миннәхмәтов.

Көндезге чыгарылыш.

«Безнең ишегалды» программасын тормышка ашыру өчен быел Казанда өстәмә рәвештә 500 млн сум акча бүлеп биреләчәк.

Гомуми белем бирү оешмалары укучылары өчен Бөтенроссия тикшерү эшләре яздан көзгә күчерелде.

Бүген Аракчино — Югары Ослан боз кичүе ябылды.

Кичке чыгарылышлар.

Россия Хөкүмәте Рәисе урынбасары Юрий Борисов һәм Татарстан Президенты Рөстәм Миңнеханов «Туполев» җәмгыяте филиалы — Горбунов исемендәге Казан авиация заводы эше белән танышты.
Хәзерге катлаулы икътисадый шартларда логистик үзәкләрнең эшен бәяләү максатыннан Татарстан Республикасы икътисад министры Мидхәт Шаһиәхмәтов бүген популяр маркетплейсларның бүлү үзәкләрендә булды.
Татарстанда Covid-19 белән чирләүчеләрнең рәсми теркәлгән саны кими бара. Соңгы тәүлектә 306 яңа очрак ачыкланган.

Россия Хөкүмәте Рәисе урынбасары Юрий Борисов һәм Татарстан Президенты Рөстәм Миңнеханов «Туполев» җәмгыяте берләшмәсе — Горбунов исемендәге Казан авиация заводы эше белән танышты.
Татарстан Республикасы Президенты Рөстәм Миңнеханов эш визиты белән Үзбәкстан Республикасына килде.
Хәзерге катлаулы икътисадый шартларда логистик үзәкләрнең эшен бәяләү максатыннан Татарстан Республикасы икътисад министры Мидхәт Шаһиәхмәтов бүген популяр маркетплейсларның бүлү үзәкләрендә булды.

Нашли опечатку? Выделите фрагмент и отправьте нажатием Ctrl+Enter