Театр — микрофон алдында (02.01.22)

Туфан Миңнуллин. “Авыл эте Акбай”. Г.Камал ис.ТДАТ спектакленең радиоварианты.

Кадерле дуслар! Бүген без сезнең игътибарга Г.Камал исемендәге Татар Дәүләт академия театрының “Авыл эте Акбай” спектакленең радиовариантын тәкъдим итәбез. Татарстанның халык язучысы, драматург Туфан Миңнуллин әсәре. Сәхнәгә куючы режиссер – Илдар Хәйруллин. Спектакль өчен музыканы композитор Резидә Ахиярова иҗат иткән.

Рольләрне Г.Камал исемендәге Татар Дәүләт академия театры артистлары башкара. Спектакль магнитофон тасмасына Татарстан радиосы студиясендә радиорежиссер Әлфия Гыйләҗи, тавыш операторы Эльвира Зариф, мөхәррир Дания Гайнетдинова тарафыннан 1999 елда язып алынган.

Татарстан радиосы Яна ел бәйрәме көннәрендә Татарстанның халык язучысы, драматург Туфан Миңнуллинның Акбай персонажы белән бәйле балалар өчен иҗат ителгән башка спектакльләрнең радиовариантларын эфирга тапшырачак. Иртәгә, 3 гыйнвар көнне 10 сәгать 10 минутта һәм 11 сәгать 25 минутта “Акбай һәм Кыш бабай”, 4 гыйнвар көнне шул ук вакытта “Акбай, Тәмлетамак һәм эт-бүреләр”, 6 нчы гыйнварда – “Акбай нигә күңелсез” дигән спектакльләрнең радиовариантларын тыңлый аласыз.

Нашли опечатку? Выделите фрагмент и отправьте нажатием Ctrl+Enter