Әдәбиятыбыз сәхифәләре (06-07.11.21)

Мирхәйдәр Фәйзи. “Асылъяр”. Г.Камал ис.ТДАТ спектакленең

радиоварианты. 1 нче өлеш.

Татар әдәбияты классигы, драматург, шагыйрь, фольклорчы Мирхәйдәр Фәйзинең тууына шушы көннәрдә 130 ел тулды. Үз әсәрләре белән халкыбызның рухи хәзинәсенә җуелмас өлеш кертеп калдырган әдипнең исеме онытылмый. Пьесалары татар сәхнәләрендә әледән-әле куелып тора. Режиссерларыбызның Мирхәйдәр Фәйзи мирасына һәрдаим мөрәҗәгать итеп торуының сере – драматург әсәрләренең халыкчан булуында. М.Фәйзи драматургиясе этнография элементларын, халык авыз иҗатын – җырларны, мәкаль-әйтемнәрне, уеннарны, сөйләмдәге тапкыр-җор сүзләрне – әсәр тукымасына, каһарманнарның эш-хәрәкәтләренә, диалогларга гаҗәеп табигый рәвештә, осталарча кертеп җибәрә белү үзенчәлекләре белән аеруча игътибарга лаеклы.

Кадерле дуслар, халкыбыз үзенең күренекле улы – Мирхәйдәр Фәйзинең тууына 130 ел тулуыны билгеләп үткән көннәрдә сезне, аның пьесасы буенча Г.Камал исемендәге Татар Дәүләт академия театрында сәхнәләштерелгән “Асылъяр” спектакле язмасын тыңларга чакырабыз. Сәхнәгә куючы режиссер – Рабит Батулла. Музыкаль бизәлеш Рәис Сафиуллин тарафыннан эшләнгән. Дирижер – Фоат Әбүбәкеров.

Нашли опечатку? Выделите фрагмент и отправьте нажатием Ctrl+Enter