Яңа көн (20.10.21)

Бу араларда республикабызда игътибарга лаеклы вакыйгалар күп. Шулар арасында безнең программа һич кеә дә читләтеп уза алмый торган бер вакыйга бар – танылган язучы һәм журналист, Татарстанның Габдулла Тукай исемендәге дәүләт премиясе лауреаты Равил  Рәис улы Бохараевның тууына 70 ел тулды. Үзенең кыска гына гомер юлында халкыбызны дөньяга таныту, туган телебезне үстерү юнәлешендә зур хезмәтләр куйган олы шәхес. Әнә шул хезмәтләре өчен рәхмәтебезне белдереп, Татарстан радиосы аның тормыш юлына һәм иҗатына багышланган тапшырулар циклы тәкъдим итә. Аларның беренчесе кичә, “Татарстан дулкынында” программасы кысаларында яңгыраган иде. Бу тема иртәгә рус телендәге “Новый день” вакыгалар понарамасында да урын алачак. Ә менә хәзер исә, хөрмәтле тыңлаучылар, без сезнең игътибарга гаҗәеп кызыклы бер язма тәкъдим итәбез.  2000 еллар башында Татарстанның халык язучысы Гәрәй Рәхим Равил Бохараевтан интервью алган булган. Сөйләшүне магнитофон тасмасына яздырып барган. Һәм менә шушы язма, мәрхүм коллегабыз, шагыйрь Рөстәм Акъегетнең фидакарьлеге белән, югалмыйча-җуелмыйча безнең көннәргә килеп җитте.

Нашли опечатку? Выделите фрагмент и отправьте нажатием Ctrl+Enter