Әдәбиятыбыз сәхифәләре (2.10.2021)

Бүген җырчы-шагыйрь Илсур Гайнетдин улы Хөснетдинов үзенең 75 яшен билгеләп үтә. Ул 1946 елның 2 октябрендә Арча районы Сикертән авылындадөньяга китлгән. Үз авылларында җидееллык мәктәпне, аннары Үрнәк авыл хуҗалыгы училищесын тәмамлагач, Казакъстанга чирәм җирләрне эшкәртергә җибәрелә. Аннан кайткач, берникадәр вакыт Арча район газетасында хәбәрче, әдәби хезмәткәр булып эшли, 1965 елдан армия хезмәтендә була. 1968 елда кайткач, Илсур Хөснетдинов Казанда трамвай-троллейбус идарәсендә эшли, аннары 1988-1994 елларда «Казан» совхозында директор. 1995-2000 елларда ул — Татарстан Республикасы Дәүләт Советы депутаты, 2000-2002 елларда «Салмачы» акционерлык җәмгыятенең генераль директоры хезмәтендә була. Хәзерге вакытта лаеклы ялда.

Илсур Хөснетдинов узган гасырның туксанынчы елларыннан иҗат активлыгын аеруча көчәйтеп җибәрә һәм тиз арада популяр җыр текстлары авторы булып кына түгел, үз шигырьләренә көйләр язучы үзешчән композитор һәм аларны үзе башкаручы җырчы булып та таныла.

Хәзер, әйдәгез, Илсур Хөснетдинов әсәрләрен тыңлыйк.

Нашли опечатку? Выделите фрагмент и отправьте нажатием Ctrl+Enter