Концерт (16.08.2021)

Бүген республика халкы,  бөтен татар дөньясы өчен олы бер вакыйга. Моннан төп-төгәл йөз ел элек, 2021 елның 16 август көнендә, бөек композиторыбыз Рөстәм Яхин дөньяга аваз салган. Аның юбилее уңаеннан бүген “Татарстан радиосы дулкыннарында Рөстәм Яхин музыкасы атналыгы” башланып китте. Хәзер игътибарыгызга шушы циклдан чираттагы тапшыру тәкъдим ителә.

Республикабызда композитор исеме белән бәйләнгән гаҗәеп затлы бер традиция бар. Бу – Рөстәм Яхин исемендәге классик музыка фестивале. Аның иң беренчесе 2015 елда үткәрелгән иде. Фестивал Габдулла Тукай исемендәге татар дәүләт филармониясе сәхнәсендә гала-концерт белән йомгакланды. Музыка сөючеләр хәтерлидер, анда Рөстәм Яхинның җырлары, романслар һәм инструменталь әсәрләре Россиянең, Татарстанның һәм Башкортстанның атаклы җырчылары, танылган музыкантлары башкаруында яңгырады.

Хәзер инде бу концерт тарихта матур бер вакыйга булып калды. Ләкин бүген, композиторның олы юбилее көнендә, без аның язмасын архив киштәләреннән алып, эфирга – тыңлаучылар хозурына чыгарабыз.

Беренче өлеш.

Икенче өлеш.

Нашли опечатку? Выделите фрагмент и отправьте нажатием Ctrl+Enter