Яңалыклар (03.06.21)

Иртәнге чыгарылыш.

Татарстан Президенты Кытай компаниясенең яңа технологияле Haier смарт-заводы нигезенә капсула салуда катнашачак.

Бу атнада Президент „Синтез“ ватерпол командасын Россия чемпионатында җиңүләре белән котлаячак.

Бүген  Казан шәһәрендә “Милли тормыш һәм дин” XI Бөтенроссия татар дин әһелләре форумы башлана.

Көндезге чыгарылыш.

Чаллы шәһәренә бүген Россия Премьер-министры Михаил Мишустин килә.
Казанда «Крылья Советов» паркында Тормышны яратучылар бәйрәме үткәрелде.
Башкаланың кунакханә эшмәкәрлеге хезмәткәрләре, җәмәгать туклануы һәм ваклап сату өлкәсендә эшләүчеләр өчен татар теле курсларына йомгак ясалды.

Кичке чыгарылышлар.

Татарстан Республикасы Президенты Haier Smart Home суыткыч һәм туңдыргыч җиһазларын җитештерү буенча смарт, ягъни акыллы заводның нигезен салуда катнашты.

Татарстан Республикасы Премьер-министры Алексей Песошин эш визиты белән Санкт-Петербургта.

Бүген рус теле буеча иң массакүләм бердәм дәүләт имтиханы үткәрелә.

Россия Федерациясе Хөкүмәте рәисе Михаил Мишустин Чаллыда «КамАЗ» үсеше мәсьәләләре буенча киңәшмә уздырды.
Дөньяның күп кенә автомобиль җитештерүчеләре кебек үк, «Камаз»га да пандемия йогынты ясаган.. Йөк машиналарын һәм машина комплектларын экспортлау узган ел 13% ка кимегән, бу 4400 данә тәшкил итә. Әмма җиңел автомобильләр җитештерүчеләрдән аермалы буларак, эчке базарда «КАМАЗ» сату 2020 елда, узган ел белән чагыштырганда, 7,1% ка, ягъни 32 660 данәгә арткан.
Автошәһәргә сәфәр уңаеннан Россия премьер-министры Чаллы автогиганты предприятиеләрендә, компаниянең фәнни-техник үзәгендә булды. Ил премьер-министрына күрсәтелгән автомобильләр арасында – газодизель ягулыгында эшли торган уникаль премиум класслы КамАЗ-54901 булды. Ягъни, автомобиль соляркада да, газ җиһазларында да хәрәкәт итә ала.

Нашли опечатку? Выделите фрагмент и отправьте нажатием Ctrl+Enter