Тукай кодексы (25.04.21)

Радиокомпозиция. 1 нче өлеш.

Олы вакыйга алдында торабыз. Иртәгә, 26 апрель көнне, сөекле шагыйребез Габдулла Тукайның юбилеен билгеләп үтәчәкбез. Шул уңайдан без “Татарстан радиосында Тукай шигърияте ункөнлеге” игълан иткән идек. Хәзер без сезне шушы циклдан чираттагы тапшыру тыңларга чакырабыз. Ул “Тукайча татар кодексы” дип атала. Аның авторы —   Татарстанның халык шагыйре, Габдулла Тукай исемендәге дәүләт премиясе лауреаты Зиннур Мансуров. Ул Тукай иҗатын озак еллар дәвамында җитди рәвештә өйрәнде. Һәм шагыйрьнең әдәби әсәрләрендә, публицистик мәкаләләрендә әйтелгән фикерләрне бер логик чылбыр итеп тезүгә иреште. Шушы эзләнүләре нәтиҗәсендә чын мәгънәсендәге миллият дәреслеге, Тукайча татар кодексы дөньяга яралды. Хәзер без шушы затлы хезмәт белән таныша башларбыз.

Эшкә керешер алдыннан авторның кереш сүзе бирелә.

Тапшыруның икенче өлешендә күренекле артистыбыз Ирек Баһманов укуында Габдулла Тукайның атаклы “Шүрәле” әкиятен тыңларсыз.

2 нче өлеш.

Тыңлаучылар игътибарына Татарстанның халык шагыйре, Габдулла Тукай исемендәге дәүләт премиясе лауреаты Зиннур Мансуровның “Тукайча татар кодексы” дигән хезмәтенең дәвамы тәкъдим ителә. Аны милләтебезнең яшь буынын ватанпәрварлек рухында тәрбияләү өчен дәреслек дип атасак та ярыйдыр.

Тапшыруның икенче өлешендә каһарман шагыйрь Фатих Кәрим шигырьләрен тыңларсыз.

Нашли опечатку? Выделите фрагмент и отправьте нажатием Ctrl+Enter