Әдәбиятыбыз сәхифәләре (28.03.21)

Гадел Кутуй. “Тапшырылмаган хатлар”. Мәҗит Гафури ис.БДАДТ спектакленең радиоварианты.

Без Сезне Мәҗит Гафури исемендәге Башкорт академия драма театрының күренекле татар язучысы Гадел Кутуйның “Тапшырылмаган хатлар” әсәре буенча эшләнгән спектакле язмасын тыңларга чакырабыз. Инсценировка авторы һәм спектакльнең режиссеры – Рифкать Исрафилов. Композиторы – Рим Хәсәнов.

Рольләрне башкаралар:

Галия Сафиуллина – Гөлли Мөбарәкова.

Яшь Галия – Нурия Ирсаева

Кадрия – Гөлназ Ишманова

Искәндәр – Фидан Гаффаров

Вәли Сафиуллин – Заһир Вәлитов

Галиуллин – Шамил Рәхмәтуллин

Корбанов – Әхтәм Әбүшахманов

Гөлмәрьям – Анфиса Хафизова

Эпизодик рольдә – Таңчулпан Бабичева

Спектакль магнитофон тасмасына Татарстан радиосы студиясендә мөхәррир Җәүдәт Дәрзаман, радиорежиссер Әминә Шаһиәхмәтова, тавыш операторы Рәсимә Фәхретдинова тарафыннан 1977 елда язып алынган.

Язманы тоташтырыр алдыннан тагын бер мәгълүмат. 13 нче апрельдән алып 17сенә кадәр Казанда Мәҗит Гафури исемендәге Башкорт академия драма театры гастроле узачак. Бу  көннәрдә Г.Камал исемендәге Татар Дәүләт академия театры сәхнәсендә Мостай Кәримнең “Кыз урлау”, Халисә Мөдәррисованың “Бәхет хакы”, Туфан Миңнуллиның “Сөяркә” һәм башка авторларның кызыклы спектакльләре тәкъдим ителәчәк. Театр сөючеләр бик тансыклап көтеп алган зур мәдәни сәфәр уңышлы үтсен.

Нашли опечатку? Выделите фрагмент и отправьте нажатием Ctrl+Enter