Әдәбиятыбыз сәхифәләре (18.01.21)

Фатыйх Әмирхан. “Фәтхулла хәзрәт”. Моноспектакль. 1 өлеш.

“Классик әдәбиятыбыз үрнәкләре”.

Язучы, драматург, күренекле әдип, сөекле шагыйребез Габдулла Тукайның якын дусты һәм фикердәше – Фатих Әмирханның тууына 135 ел. Шул уңайдан, хөрмәтле радиотыңлаучылар, бүген без сезнең игътибарга күренекле язучының Татарстан китап нәшрияты әзерләп чыгарган аудиокитапка нигезләнеп, мөхәррир Рөстәм Акъегет һәм режиссер Рамил Һидиятулла тарафыннан эшләнгән “Фәтхулла хәзрәт” дигән моноспектакль тәкъдим итәбез.

Билгеле булганча, бу әсәр Россиядә революцион күтәрелеш башланып, татар зыялыларының милләтнең киләчәгенә зур өметләр баглаган чорда язылган. Шушы өмет-ышанычларны чагылдырган “Фәтхулла хәзрәт” повестендә язучы хыялында бер кадимче мулланы яңадан терелтеп, 42 елдан соң булачак татар тормышына алып керә. Форсаттан файдаланып, шуны да әйтеп үтик, Фатих Әмирхан фантаст язучы булып саналмаса да, 1909 елда язылган бу әсәрендә язучы, әдәбиятта, хәтта әле дөнья әдәбиятында беренче булып смартфон һәм видеоэлемтәне тасвирлаган әдип. Моңа әлегә ышанып җитмәүчеләр булса, әсәрне тыңлагач, бу фикердән кире кайтырлар дип уйлыйбыз.

Шулай итеп тыңлыйк. Фатих Әмирхан. “Фәтхулла хәзрәт”. Аны Татарстанның атказанган артисты Фәнис Җиһанша башкара.

Нашли опечатку? Выделите фрагмент и отправьте нажатием Ctrl+Enter