Яңалыклар. 1 октябрь.

Иртәнге чыгарылыш.

3-нче һәм 4-нче октябрь көннәрендә Татарстанның табигать тарихы музеенда Бөтендөнья хайваннар көнен билгеләп үтәчәкләр.

3 октябрь шимбә көнне татар халкының легендар җырчысы, Россиянең һәм Татарстанның халык артисты, Г.Тукай исмендәге Дәүләт премиясе лауреаты Илһам Гыйльметдин улы Шакиров истәлегенә мемориал такта ачыла.

Көндезге чыгарылыш.

Бүген Халыкара өлкәннәр көне. Бу уңайдан ветераннарга ТР Премьер-министры Алексей Песошин мөрәҗәгать итте.

Республика клиник хастаханәсендә коронавирус инфекциясе йоктырган пациентлар өчен өстәмә Сovid-бүлекләр ачыла.

Татарстан Республикасының яңа мәгариф һәм фән министры итеп Илсур Һадиуллин билгеләнде.

Кичке чыгарылышлар.

Бүген Чиләбегә эш сәфәре уңаеннан Татарстан Республикасы Президенты бөек татар шагыйре Габдулла Тукайга һәйкәл ачу тантанасында катнашты.

Бүген Дәүләт Советында Татарстан Конституция судының яңа сайланган судьяларына һәм җәмәгать судьяларына тантаналы шартларда таныклыклар тапшырылды.

Татарстанда соңгы тәүлектә Covid-19 коронавирус инфекциясе йоктыруның 26 яңа очрагы ачыкланган.

Бүгеннән Татарстан һәм бөтен Россия буенча көзге чакырылыш кампаниясе башланды.

Нашли опечатку? Выделите фрагмент и отправьте нажатием Ctrl+Enter