Яңалыклар. 4 сентябрь.

Иртәнге   чыгарылыш.

 Рөстәм Миңнеханов Федераль архив агентлыгы җитәкчесе Андрей Артизов белән очрашты.

ТР Дәүләт Советы Рәисе Фәрит Мөхәммәтшин архив эше буенча Бөтенроссия советы утырышын үткәрде.

Бөтен ил буенча «Бердәм Россия» нең «Җиңү диктанты» Бөтенроссия патриотик акциясе узды, ул быел Хәтер һәм Дан елына багышланган төп акцияләр исемлегенә кертелде. Татарстанда 80нән артык мәйданчык билгеләнде. Татарстан Дәүләт Советы Рәисе, «Бердәм Россия» партиясенең Татарстандагы  бүлеге Секретаре Фәрит Мөхәммәтшин 1941-1945 еллардагы Бөек Ватан сугышы Музей-мемориалында узган акциядә катнашты.

Көндезге чыгарылыш.

Татарстан — гасырлар буена шушы җирдә яшәгән халык өчен туган йорт. Республиканың көче төрле милләт, конфессия һәм мәдәният вәкилләренең тату яшәвендә чагыла. Бу хакта Татарстан Республикасы Президенты Рөстәм Миңнеханов үзенең программа мәкаләсендә язган.

Татарстан Премьер-министры урынбасары, Бөтендөнья татар конгрессы Милли шура рәисе Васил Шәйхразиев Татарстан муниципаль районнары буенча эшлекле сәфәрләрен дәвам итә. Вице-премьер Тукай муниципаль районында булды.

ТР икътисады коронавирус пандемиясе китергән кризистан соң тернәкләнә башлады. Бу хакта #ТатарстанОнлайн  программасы туры эфирында ТР Икътисад министрлыгы башлыгы Мидхәт Шаһиәхмәтов хәбәр итте.  

Кичке чыгарылышлар.

Бүген Татарстан Республикасы Президенты Рөстәм Миңнеханов Россия Федерациясе Гражданнар оборонасы, гадәттән тыш хәлләр һәм аларның нәтиҗәләрен бетерү министры Евгений Зиничев белән очрашты.

Шулай ук Татарстан Президенты һәм Россия Федерациясе Гражданнар оборонасы, гадәттән тыш хәлләр һәм аларның нәтиҗәләрен бетерү министры «Россия вертолетлары» холдингының Казан вертолет заводында булды.

Татарстанга эш сәфәре кысаларында Евгений Зиничев Чаллыда да булды, анда ул, Рөстәм Миңнеханов белән бергә,  КАМАЗ автопредприятиесендә булды.

Нашли опечатку? Выделите фрагмент и отправьте нажатием Ctrl+Enter