Яңалыклар. 3 сентябрь.
Иртәнге чыгарылыш.
Быел Татарстан узган елга караганда 1 млн. тоннага күбрәк ашлык җыеп алырга планлаштыра. Бу хакта Татарстан Республикасы Президенты Рөстәм Миңнеханов Россия Федерациясе Авыл хуҗалыгы министрлыгы коллегиясенең видеоконференц элемтә форматында узган утырышында хәбәр итте.
Татарстанның нефть-газ химиясе форумы кырларында узган түгәрәк өстәлдә төзелеш тармагында республика җитештергән нефть химиясе продукциясен куллануны киңәйтү турында фикер алыштылар.
77 ел эчендә Татарстан 3 млрд тоннадан артык нефть чыгарган, ә соңгы вакытта республика югары үзле нефть запасларын эшкәртү өчен яңа технологияләр эшләүгә аерым игътибар бирә. Бу хакта Татарстан Президенты Рөстәм Миңнеханов «Нефть-газ геологиясен үстерүнең яңа парадигмасы турында» халыкара фәнни-гамәли конференциядә хәбәр итте.
Көндезге чыгарылыш.
Татарстан нефть-газ химиясе форумы киңлекләрендә «2019 ел йомгаклары буенча Татарстан Республикасында энергияне сак тоту һәм энергетика нәтиҗәлелеген арттыру” дәүләт программасын гамәлгә ашыру барышы һәм 2020 елга бурычлар турында» Татарстан Республикасы Хөкүмәте утырышы узды.
Анда Татарстан Республикасы Президенты Рөстәм Миңнеханов, РФ энергетика министры урынбасары Антон Инюцин, республика министрлыклары һәм эре энергия предприятиеләре вәкилләре катнашты.
Бүген Татарстан Республикасы Президенты Рөстәм Миңнеханов Федераль архив агентлыгы җитәкчесе Андрей Артизов белән очрашты.
Шимбә көнне, 5 сентябрьдә, Татарстан Президенты Әлмәткә бара. Шәһәрдә бу ялларда Нефтьчеләр көнен билгеләп үтәчәкләр. ТР Президентының матбугат хезмәте җитәкчесе Лилия Галимова республика Министрлар Кабинетында узган брифингта Рөстәм Миңнехановның планнары белән уртаклашты.
Кичке чыгарылышлар.
Татарстан Республикасы Президенты Рөстәм Миңнеханов «Россия Лидерлары» идарәчеләр конкурсының суперфиналында Татарстаннан катнашучыларга уңышлар теләде һәм аларга котлау телеграммалары юллады.
Бүген Рөстәм Миңнеханов Федераль архив агентлыгы җитәкчесе Андрей Артизов белән очрашты.
Бу шимбәдә Татарстан Президенты Рөстәм Миңнеханов эшлекле сәфәр белән Әлмәт муниципаль районында булачак. Бүген бу хакта Министрлар Кабинетында узган брифингта ТР Президентының матбугат хезмәте җитәкчесе Лилия Галимова хәбәр итте.
2020 елның «Яшь профессионаллар» 8нче Милли чемпионаты финалына Татарстаннан 21 компетенция буенча 24 катнашучы узды. Бу хакта ТР вице-премьеры – Мәгариф һәм фән министры Рафис Борһанов хәбәр итте.
Бүген Рөстәм Миңнеханов Федераль архив агентлыгы җитәкчесе Андрей Артизов белән очрашты.
ТР Дәүләт Советы Рәисе Фәрит Мөхәммәтшин архив эше буенча Бөтенроссия советы утырышын үткәрде.
Бөтен ил буенча «Бердәм Россия» нең «Җиңү диктанты» Бөтенроссия патриотик акциясе узды, ул быел Хәтер һәм Дан елына багышланган төп акцияләр исемлегенә кертелде. Татарстанда 80нән артык мәйданчык билгеләнде. Татарстан Дәүләт Советы Рәисе, «Бердәм Россия» партиясенең Татарстандагы бүлеге Секретаре Фәрит Мөхәммәтшин 1941-1945 еллардагы Бөек Ватан сугышы Музей-мемориалында узган акциядә катнашты.
Нашли опечатку? Выделите фрагмент и отправьте нажатием Ctrl+Enter
Поделиться новостью:
Блог
ГТРК "Татарстан", 420095, г.Казань, ул.Шамиля Усманова, 9
Телефон редакции:
8 (843) 528-25-59
Электронная почта редакции ГТРК:
vesti@trttv.ru16+
