Яңалыклар. 2 сентябрь.

Иртәнге чыгарылыш.

Татарстан Республикасы Президенты Рөстәм Миңнеханов Казанның Халыкара мәктәбендә булды, анда ул уку йортының яңа корпусын карады.

Татарстан Республикасы Дәүләт Киңәшчесе Минтимер Шәймиев «Адымнар» күптелле белем бирү комплексында өч телдә горурланып укырга, яшәргә мөмкинлекләр барлыгын әйтте. Бу хакта ул комплексның тантаналы ачылышында сөйләде.

Көндезге чыгарылыш.

Бүген «Казан Экспо» Халыкара күргәзмә үзәге мәйданында Татарстан нефть, газ, химия форумы — 2020 ачылды. Тантаналы чарада Татарстан Республикасы Президенты Рөстәм Миңнеханов катнашты.

Әтнә муниципаль районы аграрчылары Рөстәм Миңнехановка 2020 елгы яңа уңыш ашлыгыннан пешерелгән икмәк тапшырды. Каравайны тапшыру Татарстан нефть, газ, химия форумын ачу вакытында узды.

Россия Федерациясе Авыл хуҗалыгы министрлыгы ташламалы авыл ипотекасы программасына өстәмә 500 млн сум бүлеп бирде.

Кичке чыгарылышлар.

Быел Татарстан узган елга караганда 1 млн. тоннага күбрәк ашлык җыеп алырга планлаштыра. Бүген бу хакта Татарстан Республикасы Президенты Рөстәм Миңнеханов Россия Федерациясе Авыл хуҗалыгы министрлыгы коллегиясенең видеоконференц элемтә форматында узган  утырышында хәбәр итте.

77 ел эчендә Татарстан 3 млрд тоннадан артык нефть чыгарган, ә соңгы вакытта республика югары үзле нефть запасларын эшкәртү өчен яңа технологияләр эшләүгә аерым игътибар бирә. Бүген бу хакта Татарстан Президенты Рөстәм Миңнеханов «Нефть-газ геологиясен үстерүнең яңа парадигмасы турында» халыкара фәнни-гамәли конференциядә хәбәр итте.

Бүген Татарстанның  нефть-газ химиясе форумы кырларында узган түгәрәк өстәлдә төзелеш тармагында республика җитештергән нефть химиясе продукциясен куллануны киңәйтү турында фикер алыштылар.

Нашли опечатку? Выделите фрагмент и отправьте нажатием Ctrl+Enter