Яңалыклар. 6 август.

Иртәнге чыгарылыш.

Бу көннәрдә Чүпрәле районында уңыш җыюда катнашучы комбайнчыларны бүләкләделәр

Коронавирус пандемиясе белән бәйле рәвештә, яңа уку елында студентлар дәресләргә битлек киеп йөриячәк.

Корбан бәйрәме чорында «Закәт» хәйрия фонды мохтаҗларга 3 мең 500 килограмм ит өләште.

Көндезге чыгарылыш.

Татарстанда иң яхшы комбайнчыларны бүләкләү өчен 100әр мең сумлык 200 грант каралды.

Татарстан Президенты Россия төбәкләре башлыклары рейтингында үз позицияләрен яхшыртты. Рейтингны «Медиалогия» компаниясе әзерләгән. Рөстәм Миңнеханов Федерация субъектлары җитәкчеләре арасында унынчы урынны алды.

Санитар-эпидемиологик вазгыять имин булмау сәбәпле, быел чит илгә ялга барудан тыелырга кирәк, дип белдерә Роспотребнадзорның Татарстан буенча идарәсе җитәкчесе урынбасары Марина Трофимова.

Кичке чыгарылышлар.

Татарстанда Covid-19 коронавирус инфекциясе йоктыруның 30 яңа очрагы ачыкланган.

 Чит илгә чыккан Татарстан кешеләре, яңа коронавирус инфекциясенең билгеләре күзәтелгән очракта, җирле табибларга мөрәҗәгать итәргә тиеш. Роспотребнадзорның ТР буенча идарәсе башлыгы урынбасары Любовь Авдонина «Татар-информ» агентлыгында узган матбугат конференциясендә шулай дип белдерде.

Татарстанда тәүлегенә 85 мең тоннага якын ашлык суктырыла.

 Татарстанда быел уку предметлары буенча БДИның уртача баллы элеккечә Россия буенча уртача күрсәткечләрдән югарырак.

Татарстанда яңа коронавирус инфекциясенә тест үткәрү темпларын арттырырга җыенмыйлар.

Туристларны җәлеп итү өчен, Казанның төп җәяүлеләр урамында онлайн-видеокамера урнаштырдылар.

Нашли опечатку? Выделите фрагмент и отправьте нажатием Ctrl+Enter