Яңалыклар. 2 июль.
Иртәнге чыгарылыш.
Кичә Россия Конституциясенә төзәтмәләр кертү буенча тавыш бирү тәмамланды. Билгеле булганча, сайлау өчен быел гражданнарның мөмкинлекләре күп иде: тавыш бирү 25 июньнән старт алды һәм 7 көн дәвам итте. Теләүчеләр стационар һәм күчмә участокларда, онлайн рәвештә дә, хезмәткәрләрне өйгә чакыртып та үз фикерләрен белдерә алды. Исегезгә төшереп үтик, гамәлдәге Конституциягә төрле тармакларга кагылышлы 200дән артык төзәтмә тәкъдим ителгән.
Көндезге чыгарылыш.
Россия Конституциясенә тәкъдим ителгән төзәтмәләр буенча тавыш бирүгә беренче нәтиҗәләр ясыйлар.
Татарстанда 2 миллион 348 мең 179 кеше тавыш биргән, бу барлык сайлау хокукына ия булган гражданнарның 79,68 проценты дигән сүз. Констиуцияне хуплап тавыш бирүчеләр өлеше — 82, 81% тәшкил итә. Бүген журналистлар сорауларына җавап биргәндә, Татарстан Дәүләт Советы рәисе Фәрит Мөхәммәтшин республика халкының тавыш бирүдә актив катнашуына басым ясады.
Кичке чыгарылышлар.
Ил Президенты Владимир Путин Конституциягә төзәтмәләр буенча тавыш биргәннән соң россиялеләргә рәхмәт белдерде, сайлау нәтиҗәләре буенча Төп законга үзгәрешләр кертеләчәк.
Казан «Хезмәт батырлыгы шәһәре» дигән мактаулы исемгә лаек булды.
Иртәгә ТР Президенты «Кыр көне 2020» агрокүргәзмәсенә бара.
Нашли опечатку? Выделите фрагмент и отправьте нажатием Ctrl+Enter
Поделиться новостью:
Блог
ГТРК "Татарстан", 420095, г.Казань, ул.Шамиля Усманова, 9
Телефон редакции:
8 (843) 528-25-59
Электронная почта редакции ГТРК:
vesti@trttv.ru16+
