“Җиде көн”. 27 июнь.

Атналык күзәтү.

Бу атна тулаем республикабыз тарихына һәм бүгенгесенә бәйле вакыйгаларыннан торды дисәк тә, арттыру булмас. Ул дүшәмбе, 22 июнь,  Хәтер һәм матәм көне белән башланып китте, аңа багышланган истәлекле чаралар икенче бер мөһим вакыйга – 1945 елгы Җиңү көне кайтавазы белән тоташты. Илебез шәһәрләрендә, моннан 75 ел элек үткәрелгән көнне, 24 июньдә,  Җиңү парадлары узды. 

         Республикабызның 100 еллык юбилее кысаларында билгеләп үтелә торган чираттагы зур дата да бу атнага туры килде. 27 майда Татарстан Автономияле Совет Социалистик Республикасы  төзелүгә  100 ел тулу уңаеннан тантаналы утырыш  үткәрелгән булса, 25 июньдә ТАССР хөкүмәте барлыкка килгән көн бәйрәм ителде.  Шул ук көнне илебезнең киләчәге өчен мөһим чарага старт бирелде – Россия Конституциясенә тәкъдим ителгән төзәтмәләр өчен тавыш бирү башланды. Аңа киләсе атнада, 1нче июльдә, нокта куелачак.

Нашли опечатку? Выделите фрагмент и отправьте нажатием Ctrl+Enter