Яңалыклар. 16 июнь.

Иртәнге чыгарылыш.

Россия Федерациясе Президенты Владимир Путин икътисадка һәм социаль өлкәгә ярдәм итү буенча элек кабул ителгән чараларны гамәлгә ашыру мәсьәләләре буенча киңәшмә уздырды. Киңәшмә эшендә видеоконференция режимында Татарстан Республикасы Президенты Рөстәм Миңнеханов катнашты.

РФ Конституциясенә төзәтмәләр россиялеләрнең тормышын яхшы якка үзгәртәчәк.

«Хезмәт Даны шәһәре» исемен алу өчен Казанның бөтен мөмкинлекләре дә  бар, бу аның өчен лаеклы бүләк булачак. Бу хакта Россия Дәүләт Думасы депутаты Гаджимурад Омаров әйтте.

Көндезге чыгарылыш.

Татарстан Республикасы Президенты Рөстәм Миңнеханов Төрекмәнстанның Казан шәһәрендәге Генераль консулы Атадурды Бәйрәмов белән очрашты.

Татарстанда Россия Конституциясенә төзәтмәләр кертү буенча тавыш бирү участокларына берьюлы 8 — 12 кеше генә үткәреләчәк.

60 яшьтән өлкәнрәк пассажирлар ерак араларга йөри торган поездларның купе вагоннарына 25 июньгә кадәр 20 процент ташлама белән билет сатып алу хокукына ия.

Татарстанда соңгы тәүлектә яңа төрдәге Covid-19 коронавирус инфекциясе йоктыруның 43 яңа очрагы ачыкланган.

Татарстан авылларында Сабан туен 4 июльдә билгеләп үтәргә тәкъдим иттеләр. Татарстан Президенты аппараты җитәкчесе урынбасары Илнур Гарипов әлеге датаны атады.

Кичке чыгарылышлар.

Нашли опечатку? Выделите фрагмент и отправьте нажатием Ctrl+Enter