Яңалыклар. 9 июнь.

Иртәнге чыгарылыш.

11-нче июньнән Татарстанда кафе һәм рестораннарның җәйге верандалары эшли башлаячак. Тиешле карарны ТР премьер-министры Алексей Песошин имзалаган.

Россия Федерациясе Конституциясенә кертеләчәк төзәтмәләр гражданнарның хезмәткә карата хөрмәтен ныгытачак һәм эшче һөнәрләрнең абруе артуга этәргеч булачак. Бу хакта «Һөнәри компетенцияләрне үстерү үзәге» генераль директоры Эмиль Гобәйдуллин әйтте.

Казанда алдан язылу белән берничә юнәлеш буенча медицина ярдәме күрсәтүне яңарттылар.

Татарстан аграрчыларыннан кырларны эшкәрткәндә умарталарның һәлак булуын булдырмау чараларын күрү сорала.

Көндезге чыгарылыш.

Татарстан Республикасы Президенты Рөстәм Миңнеханов Алтай Республикасы территориясендә җәмәгать пространстволарын һәм паркларны булдыру эшен оештыру белән танышты.

Россия Конституциясенә РФ Президенты тарафыннан тәкъдим ителгән төзәтмәләр гражданнарның хезмәткә хокукларын яклаячак, димәк, эшче һөнәрләренең абруе һәм популярлыгы янә артачак.

Татарстанда 3 яшькә кадәрге балаларга 5 мең сум күләмендә яңа федераль түләүне 129 мең 300 бала алган.

ТАССРның 100 еллыгына багышланган «Мәңге яшә, газиз ватаныбыз! Цвети священная земля моя! Forever Flourish You, My Native Land!» китабы дөнья күрде.

Кичке чыгарылышлар.

Татарстанда соңгы тәүлектә яңа төрдәге Covid-19 коронавирус инфекциясе йоктыруның 54 яңа очрагы ачыкланган.

Республикада донорлык атналыгы башланды. Түбән Камадагы үзәктән сыйфат контроле бүлеге мөдире Әлфия Гыйләҗева Түбән Камада чараның барышы турында сөйләде.

10 июньнән безнең радиода яңа тапшырулар циклы башлана.  “Главное о Конституции” тапшыруында экспертлар Россия Федерациясе Конституциясенә кертелә торган төзәтмәләрне анализлаячак, шулай ук төзәтмәләр буенча тавыш бирүдә катнашуның әһәмияте турында фикер алышачак.  “Главное о Конституции” тапшыруы, яңалыклардан соң, эш көннәрендә 11 сәгать 20 минутта эфирга чыгачак.

Нашли опечатку? Выделите фрагмент и отправьте нажатием Ctrl+Enter