“7 көн”. 16 май.

Атналык күзәтү.

Бу атнаның төп вакыйгасы, әлбәттә, Россиядә эшләми торган көннәрнең тәмамлануы булды. Бу турыда  дүшәмбедә ил Президенты Россия Владимир Путин игълан итте. Ул  санитар-эпидемиологик вәзгыять һәм гражданнарга, ил икътисадына ярдәм күрсәтүнең яңа чаралары турында киңәшмә уздырды.

Татарстан Президенты Рөстәм Миңнеханов Республика территориясендә яңа коронавирус инфекциясе таралуына каршы көрәш мәсьәләләре буенча киңәшмә уздырды.

Коронавирус белән көрәш дәвам иткәндә, элегрәк кабул ителгән чикләүләрне берникадәр йомшарту илнең икътисады өчен бик мөһим иде.  Россиядә 12 майдан икътисадның төп тармакларындагы предприятиеләр эшчәнлеген кабат башлап җибәрде. Предприятиеләрнең эшчәнлеге кулланучылар белән турыдан-туры элемтәгә керү зарурлыгы белән бәйле булмаса да, эшкә барлык санитария нормаларын үтәп кенә эшкә керештеләр.

Дөньяның төрле почмакларында пандемия белән көрәшнең төп геройлары, әлбәттә,  табиблар. Үз сәламәтлекләрен, хәтта гомерләрен куркыныч астына куеп эшләүче бу һөнәр ияләре – бу көннәрдә һәртөрле хөрмәткә һәм ярдәмгә лаеклы кешеләр.

Чәчү эшләре  гөрләп барган бу көннәрнең республика өчен никадәр мөһим булуын исәпкә алып,  Татарстан авыл хуҗалыгы һәм азык-төлек министры Марат Җәббаров бу атнада Апас, Балык Бистәсе, Алексеевски районнарында булды, урыннарда эш барышы белән танышты.

Авыл хуҗалыгы темасын хәбәрчебез Ания Гыйбадуллина дәвам иттерә.

Нашли опечатку? Выделите фрагмент и отправьте нажатием Ctrl+Enter